वातावरणात थंडी आल्याने त्वचेतील कोरडेपणा वाढू लागतो. कारण थंड हवा त्वचेची आर्द्रता कमी करते. त्यामुळे, आपला चेहरा काळा दिसू लागतो.
उत्तराखंड येथील डर्मेटोलॉजिस्ट डॉ. आशा सकलानी सांगातात की, हिवाळ्यात थंड वातावरणाचे त्वचेवर प्रभाव आणि त्वचेची योग्य काळजी न घेतल्याने, तर कधी अधिक वेळ उन्हात बसल्याने होणाऱ्या सन बर्नमुळे आपली त्वचा कोरडी, निर्जीव आणि टॅन होते. ज्यामुळे त्वचेच्या रंगात तात्पुरता बदल होतो. तेच अनेकदा शरीरात पाण्याची कमतरता म्हणजेच, डिहायड्रेशन देखील त्वचेच्या रंगात बदल घडून आल्याचे कारण ठरू शकते. त्यामुळे, हिवाळ्यात त्वचेची अधिक आणि योग्य काळजी घेणे गरजेचे आहे.
थंडीच्या मोसमात त्वचेच्या सुरक्षेसाठी काय करावे?
डॉ. आशा सांगतात की, या मोसमात तळलेले, मसालेदार किंवा जंक फूडचे अधिक सेवन टाळले पाहिजे. कारण, या प्राकरचे अन्न आपल्या पचन तंत्राला प्रभावित करते, ज्यामुळे त्वचेचे रंग बदलण्याबरोबरच आपल्या चहेऱ्यावर दाण्यांची समस्या निर्माण होऊ लागते. थंडीत त्वचेचे रंग बदलण्याबरोबरच इतर समस्यांपासून बचावासाठी पुढील बाबी लक्षात ठेवणे गरजेचे आहे.
1) शरीराला हायड्रेट ठेवावे
डॉ. आशा सांगतात की, साधारणत: लोक हिवाळ्यात पाणी कमी पितात, जे योग्य नाही. हिवाळ्यात त्वचेची आर्द्रता राखून ठेवण्यासाठी नियमित आवश्यक प्रमाणात पाणी पिणे खूप गरजेचे आहे. ज्यासाठी दिवसातून कमीत कमी 8 - 12 ग्लास पाणी पिले पाहिजे.
पाण्याव्यतिरिक्त फळ आणि भाज्यांचे ज्यूस व सूप आणि अन्य तरी असणाऱ्या आहाराचे सेवन देखील फायदेशीर असते. मात्र, अधिक गरम पाण्याचे सेवन टाळावे.
2) योग्य स्किन केअर रूटीन अवलंबने
हिवाळ्यात त्वचेची अधिक काळजी घेणे गरजेचे आहे, त्यामुळे नियमित त्वचेची स्वच्छता जसे, क्लिनजिंग, टोनिंग, एक्सफोलिएशन अवलंबल्यास त्वचा उजळण्याबरोबरच ती स्वच्छ होण्यास मदत होऊ शकते. त्वचेची आर्द्रता राखून ठेवण्यासाठी त्वचेच्या प्रकृतीनुसार त्वचेवर नियमितपणे मॉइश्चरायझर लावले पाहिजे. अशा मोसमात अ‍ॅलोव्हेरा जेलचा वापर देखील फायदेशीर ठरू शकते.
3) निरोगी जेवण गरजेचे
डॉ. आशा सांगतात की, हिवाळ्यात त्वचेच्या काळजीसाठी केवळ सौंदर्य प्रसाधनांचाच वपर करू नये, तर जेवणात पोषक तत्व असलेल्या पदार्थांचा देखील समावेश करावा. सलाद व्यतिरिक्त भाज्यांचे सूप, ज्यूस, हिरव्या भाज्या आणि संपूर्ण धान्य असलेले आहार आरोग्य आणि सौंदर्य दोन्ही राखून ठेवण्यास मदत करतात.
4) कॅफिन टाळा
हिवाळ्यात कॅफिनचे अधिक सेवन टाळले पाहिजे. या मोसमात लोक गर्मी राखून ठेवण्यासाठी सतत चहा किंवा कॉफीचे सेवन करतात. मात्र, चहा किवा कॉफीच्या अधिक सेवनाने त्वचा डिहायड्रेट होते. त्याचबरोबर, आपले पचन तंत्र आणि शरीराच्या इतर अवयवांवरही त्याचा प्रभाव पडतो, ज्याचे परिणाम प्रत्यक्ष किंवा अप्रत्यक्ष स्वरुपात आपल्या त्वचेवरही होते.
डॉ. आशा सांगतात की, जर त्वचेचे रंग बदलने, त्याबरोबर मध्यम किंवा तीव्र खाज किंवा जळजळची समस्या असल्यास त्वचा रोग तज्ज्ञाचा सल्ला घेतला पाहिजे.
हेही वाचा - दीर्घ आणि निरोगी जीवनासाठी 'या' गोष्टींचे अतिसेवन टाळा
