Cashless Claim In Health Insurance : आरोग्य विमा घेताना करा कॅशलेस क्लेम, जाणून घ्या फायदे

कुटूंबाच्या भविष्यातील कल्याणासाठी विमा घेणे कधीही फायदेशीर असते. मात्र यात विमा कंपनीकडून कॅशलेस विमा घेणे पॉलिसीधारकाला कधीही चांगले असते.

हैदराबाद : आपल्या देशात विम्याच्या बाबत खूपच कमी जनजागृती झालेली आहे. योग्य आकलनाच्या अभावामुळे नागरिक विमा पॉलिसी घेण्याकडे फारसा कल दाखवत नाहीत. अनपेक्षित अपघात झाल्यास एखाद्या व्यक्तीला आर्थिक संरक्षण देण्यासाठी विमा कंपनीकडे अनेक धोरणे आहेत. मात्र आरोग्य विमा घेताना कॅशलेस क्लेमसाठी जाणे केव्हाही चांगले. हे कसे वापरावे? त्रास टाळण्यासाठी कोणती खबरदारी घेणे आवश्यक आहे हे जाणून घेणे आवश्यक आहे. याबाबतची खास माहिती ईटीव्ही भारतच्या वाचकांसाठी आम्ही येथे देत आहोत.

दोन प्रकारचे असतात विमा पॉलिसींमधील दावे : आरोग्य विमा पॉलिसींमधील दावे साधारणपणे दोन प्रकारचे असतात. यात विमा कंपनीने दिलेल्या हॉस्पिटलमध्ये उपचार घेणे हा पहिला आणि सोयीचा प्रकार आहे. यामुळे पॉलिसीधारकाला कोणताही खर्च लागत नाही. याला कॅशलेस उपचार म्हणतात. पॉलिसी मूल्यापर्यंतचा खर्च हॉस्पिटल देते. दुसऱ्या पद्धतीमध्ये उपचाराचा खर्च अगोदर भरणे आणि नंतर खर्च वसूल करणे समाविष्ट आहे.