यवतमाळ : मूर्तींचे विसर्जन करण्यास गेलेला माणूस गेला वाहून

जिल्ह्यात सर्वत्र देवीचे विसर्जन सुरू आहेत. वणी तालुक्यातील घूंसा येथील एका मंडळाने विदर्भा नदीमध्ये मूर्ती विसर्जनासाठी नेली. त्यावेळेस राजू बोरकुटे त्याची चप्पल वाहत जाण्यासाठी पकडण्याच्या नादात तो, वाहून गेला.

यवतमाळ : वणी तालुक्यातील घोंसा येथील देवीचा विसर्जन करण्याकरता गेलेला इसम वाहून गेल्याची घटना घडली. राजू श्रीहरी बोरकुटे (50) असे या माणसाचे नाव असून ही घटना शनिवारी रात्री घडली.

चपलेने केला घात

जिल्ह्यात सर्वत्र देवीचे विसर्जन सुरू आहेत. वणी तालुक्यातील घूंसा येथील एका मंडळाने विदर्भा नदीमध्ये मूर्ती विसर्जनासाठी नेली. त्यावेळेस राजू बोरकुटे वाहत गेलेली चप्पल पकडण्याच्या नादात वाहून गेले. नागरिकांनी आरडाओरडा करून त्याला वाचविण्यासाठी प्रयत्न केला. मात्र, नदीचा प्रवाह जास्त असल्याने तो वाहून गेला.

रेस्कयू टीम दाखल

मागील दोन दिवसांपासून परतीच्या पावसाने जोर पकडल्याने नदी नाले ओसंडून वाहत आहे. यवतमाळ येथील रेस्क्यू टीम घोन्सा येथे दाखल झाली असून सकाळी आठ वाजता पासून विदर्भा नदीत शोधमोहीम सुरू केली आहे. अद्यापही त्याचा थांगपत्ता लागला नाही. घटनेची माहिती पडताच तहसीलदार विवेक पांडे, पोलीस निरीक्षक श्याम सोनटक्के, उपविभागीय अधिकारी शरद जवाळे घटनास्थळी दाखल झाले.

हेही वाचा - आरोग्य विभागाच्या भरतीत पुन्हा गोंधळ, सकाळी एका तर दुपारी दुसऱ्या जिल्ह्यातील परिक्षा केंद्र