वाशिम- कारंजा तालुक्यात आज वादळी वाऱ्यासह झालेल्या पावसात दोन शेतकरी सोयाबीन गंजीवर ताडपत्री टाकण्यासाठी गेले असता दोन शेतकऱ्यांचा वीज पडून मृत्यू झाला, तर एक जण गंभीर जखमी झाला आहे. दुपारी चार वाजण्याच्या सुमारास ही घटना घडली असून धीरज धोरक (15) रा. नारेगाव व नानासाहेब टोंग (55) रा. पिंपळगाव असे मृत शेतकऱ्यांची नावे आहेत.
नापिकी व कर्जबाजारीपणा आणि आता निसर्गाने शेतकऱ्यांवर कहरच केला आहे. सध्या सोयाबीन काढणी सुरू आहे. काही शेतकऱ्यांनी आपल्या शेतात सोयाबीनच्या पिकाचीची गंजी लावून ठेवली आहे. आपापल्या सोयीप्रमाणे शेतकरी मळणी यंत्रणाद्वारे काढणी करत आहे; मात्र पावसामुळे काही ठिकाणी सोयाबीन पिकाचे मोठे नुकसान केले आहे.
