वाशिम - श्रीमती साळुंकाबाई राऊत कला व वाणिज्य महाविद्यालय, ग्राम तन्हाळा येथे विद्यार्थ्यांनी श्रमदानातून वनराई बंधाऱ्याची निर्मिती केली. काळाची गरज लक्षात घेऊन वन्यजीवांना व पशुपक्ष्यांना पाणी उपलब्ध व्हावे, हा उद्देश ठेऊन साळुंकाबाई राऊत कला व वाणिज्य महाविद्यालय राष्ट्रीय सेवा योजनेच्या स्वयंसेवकांनी तब्बल ७५० सिमेंटच्या गोण्यांमध्ये माती भरून वनराई बंधाऱ्याची निर्मिती केली.
विद्यार्थ्यांनी ७५० सिमेंटच्या गोण्यांमध्ये माती भरून वनराई बंधाऱ्याची केली निर्मिती
वाशिम जिल्हा हा सतत पाणीटंचाईचा सामना करत आहे. ही समस्या सोडविण्यासाठी अनेक संस्था व शासन कार्य करत आहेत; पण परिस्थितीत फारशी सुधारणा झालेली नाही. अपेक्षित यश मिळालेले दिसत नाही. पाणीटंचाईच्या समस्येवर मात करण्यासाठी आपलाही हातभार लागावा म्हणून साळुंकाबाई राऊत महाविद्यालयातील राष्ट्रीय सेवा योजनेच्या स्वयंसेवकांनी श्रमदानातून वनराई बंधाऱ्याची निर्मिती केली.
