मालेगाव पोलीस ठाण्यात विघ्नहर्ता फाऊंडेशनच्यावतीने निर्जंतुकीकरण कक्ष

कोरोनाच्या संसर्गाची लागण पोलिसांनासुद्धा होऊ शकते. याची दखल घेत मालेगावमधील सामाजिक कार्यात अग्रेसर असलेल्या विघ्नहर्ता फाऊंडेशनच्या वतीने पोलीस बांधवांकरिता पोलीस ठाण्यात निर्जंतुकीकरण कक्ष उभारण्यात आला.

वाशिम - कुठल्याही बिकट प्रसंगी प्राणपणाला लावून नागरिकांच्या रक्षणासाठी सदैव तत्पर असलेल्या पोलीस बांधवांचे कोरोनाच्या संसर्गापासून रक्षण व्हावे, या उद्देशाने वाशिम जिल्ह्यातील मालेगाव पोलीस ठाण्यात विघ्नहर्ता फाऊंडेशच्या वतीने निर्जंतुकीकरण कक्ष उभारण्यात आला आहे.

यामधील स्प्रेद्वारे कर्तव्यावर असलेल्या पोलीस कर्मचाऱ्यांचे निर्जंतुकीकरण करणे सहज शक्य होणार आहे. देशात कोरोनाच्या संसर्गाचे संकट वाढत असून खबरदारीचा उपाय म्हणून सर्वत्र लॉकडाऊन करण्यात आले आहे. सर्वांच्या सुरक्षिततेसाठी सदैव तत्पर असलेले पोलीस जीवाची पर्वा न करता रस्त्यावर उभे आहेत. कोरोनाच्या संसर्गाची लागण त्यांना सुद्धा होऊ शकते. याची दखल घेत मालेगावमधील सामाजिक कार्यात अग्रेसर असलेल्या विघ्नहर्ता फाऊंडेशनच्या वतीने पोलीस बांधवांकरिता पोलीस ठाण्यात निर्जंतुकीकरण कक्ष उभारण्यात आला.