वाशिम : महागाव - कारंजा मार्गावर ( Mahagaon Karanja Road Washim ) एक वाहनाने माकडाला धडक ( Monkey Injured In Vehicle Collision ) दिली. अन्य माकडांनी त्याला वाचविण्याचा प्रयत्न केला. परंतु त्या माकडाचा मृत्यू ( Monkey Died In Road Accident ) झाला. त्यामुळे बिथरलेल्या इतर माकडांनी दीर्घकाळ रस्ता जाम करून ठेवला ( Monkeys Blocked Road In Washim ) होता.
जंगलात चारापाणी नसल्याने वन्यप्राणी शेतशिवार, लोकवस्तीकडे धाव घेत आहेत. यासाठी त्यांना वारंवार रस्ता ओलांडावा लागतो. याच प्रकारातून वन्यप्राण्यांचा अपघाती मृत्यू ( Accidental Death Of Wild Animals ) होण्याच्या घटना वाढल्या आहेत.
मुक्या प्राण्यांमधील संवेदना जिवंत
स्वार्थाने बरबटलेल्या या जमान्यात माणूसच माणसाचा वैरी ठरल्याची अनेक उदाहरणे सभोवताल घडत आहेत. मुक्या पशूप्राण्यांमधील मुक संवेदना मात्र आजही जीवंत असल्याचे दिसून येत आहे. मुक्तपणे खेळत-बागडत असताना एका माकडाला अचानक आज महागाव कारंजा रस्त्यावर एका टाटा आयशर वाहनाने धडक दिली. यादरम्यान तेथे असलेले इतर माकडं त्याच्या मदतीला एकवटले. ते त्याला वाचवण्याचा प्रयत्न करत होते. मात्र, अचानक त्या माकडाने जीव सोडल्याने एकवटलेल्या माकडांनी रस्ता जाम करून ठेवला. हा सगळा प्रकार हृदय हदरवणारा होता. त्यांचं दुःख आणि आक्रोश त्या मुक्या माकडांच्या शरीर हालचालीद्वारे स्पष्ट दिसत होते.
