वाशिम - जिल्ह्यात गेल्या आठ दिवसांपासून सुरू असलेल्या संततधार पावसामुळे मूग पिकाचे मोठ्या प्रमाणात नुकसान झाले आहे. पावसामुळे परिपक्व शेंगा भिजून त्यातून कोंब बाहेर येत आहेत. शेतकऱ्यांच्या हाती आलेल्या पिकाचे पावसामुळे अतोनात नुकसान होत असल्याने बळीराजा आर्थिक संकटात सापडला आहे.
वाशिम जिल्ह्यात पावसामुळे मूग पिकाचे मोठ्या प्रमाणात नुकसान
जिल्ह्यात आधीच शेतकऱ्यांना निकृष्ट बियाण्यांमुळे दुबार, तिबार पेरणीचा खर्च करावा लागला. त्यात आता सततच्या पावसामुळे पिके संकटात सापडल्याने शेतकरी आर्थिक संकटात सापडले आहेत. कृषी व महसूल विभागाने या नुकसानाची पाहणी करून शेतकऱ्यांना आर्थिक मदत करावी, अशी मागणी शेतकरी करीत आहेत.
