वाशिम - शेतकऱ्यांची कर्जमाफी हा त्यांचा हक्क आहे. त्यामुळे शेतकऱ्यांची सरसकट कर्जमाफी करून घेईपर्यंत थांबणार नाही, कर्जमाफी करून घेणारच, असे वत्यव्य युवासेना प्रमुख आदित्य ठाकरे यांनी केले आहे. आदित्य ठाकरे यांची जनआशीर्वाद यात्रा वाशिम जिल्ह्यात दाखल झाली. कारंजा येथे नागरिकांशी संवाद साधला त्यावेळी ते बोलत होते. यावेळी त्यांनी कृषी उत्पन्न बाजार समितीत छत्रपती शाहू महाराज यांच्या पुतळ्याचे अनावरण केले.
गोधनाच पूजन करून दिले पोळ्यानिमित्त शेतकऱ्यांना शुभेच्छा
युवासेना प्रमुख आदित्य ठाकरे यांची जनआशीर्वाद यात्रा आज रात्री 8 वाजता वाशिम जिल्ह्यात दाखल झाली. यावेळी त्यांनी शेतकऱ्यांसोबत संवाद साधल्यानंतर गोधनाची पूजा करून पोळा हा सण साजरा केला. यावेळी त्यांनी शेतकऱ्यांना शुभेच्छाही दिल्या.
साहेब कधी येता... आता थकलो हो...
युवा सेनाप्रमुख आदित्य ठाकरे ठाकरे यांची जन आशीर्वाद यात्रा आज वाशिम जिल्ह्यातील कारंजा येथे सायंकाळी साडेचार वाजता पोहोचणार होती. मात्र, साडेसात वाजेपर्यंत ही यात्रा वाशिम जिल्ह्यात पोहोचली नसल्याने कारंजा जवळ रस्त्यावर यात्रेचे स्वागत करण्यासाठी अंधारात थांबलेले शिवसैनिक या यात्रेची वाट पाहत होते. यावेळी थकून रोडवर बसून एकच बोलत होते टसाहेब कधी येता, आता थकलो हो'.
