वर्धा -हिंगणघाटमध्ये एका तरुणीच्या अंगावर पेट्रोल टाकून जीवंत जाळण्याचा प्रयत्न करण्यात आला आहे. हिंगणघाटमधील नांदोरा चौकात आज सकाळी साडेसात वाजण्याच्या सुमारास ही घटना घडली. यामध्ये तरुणी जखमी झाली असून तिला पुढील उपचारासाठी नागपूरला हलवण्यात आले आहे.
वर्ध्यात तरुणीला जीवंत जाळण्याचा प्रयत्न
या घटनेवेळी मनसेचे शाखाध्यक्ष विजय कुकडे हे घटनास्थळावरून जात होते. त्यावेळी अचानक वाचवा...वाचवा..., असा आवाज आला. त्यामुळे कुकडे मागे फिरले तेव्हा एक तरुण हातात टेम्बा आणि पेट्रोल घेऊन दिसला. त्याने मुलीच्या अंगावर पेट्रोल टाकून तिला पेटवण्याचा प्रयत्न करीत होता. त्यावेळी येथील स्थानिकांनी धाडस करत तरुणीच्या अंगावर पाणी टाकून आग विझवली. तसेच तिला उपचारासाठी रुग्णालयात दाखल करण्यात आले.
