वर्धा - येथे मागील अनेक दिवसांपासून पावसाने दडी मारली असल्याने चिंतेत चांगलीच वाढ झाली होती. मात्र, मागील तीन दिवस जिल्ह्यात जोरदार पाऊस झाला आहे. सोमवारच्या मध्यरात्रीपासून सुरु झालेल्या पावसाने जिल्ह्यात सर्वत्र पावसाचे आगमन झाले. यात मागील २४ तासात पावसाने जोरदीर बॅटींग केली. यात सहा तालुक्यात अतिवृष्टी झाली. मात्र, आष्टी आणि कारंजा तालुक्यात कमी पाऊस झाला आहे.
वर्ध्यात २४ तासाच्या पावसाने सहा तालुल्यात अतिवृष्टी
यामुळे जिल्हातील धरणसाठ्यात वाढ झाली असून धरणाची पातळी भरून निघण्यासाठी आणखी पावसाची गरज आहे. पावसाने जिल्ह्यातील शेतकऱ्यांच्या पिकांना नवसंजीवनी मिळाली असली तरी पिकाची वाढ खुंटल्याने उत्पादनात घट होणार आहे. तसेच पाण्याच्या प्रश्न सुटायला अजून पावसाची गरज आहेच.
