अज्ञाताची धावत्या ट्रक समोर उडी घेऊन आत्महत्या; वर्ध्यातील धक्कादायक घटना

वर्ध्यातील बोरगांव शिवारातील वीज वितरण कार्यालयापुढे अंगाचा थरकाप उडवणारी घटना घडली. ही घटना दुपारच्या 12 वाजुन ३० मिनीटांच्या सुमारास घडली.

वर्धा - बोरगाव शिवारातील वीज वितरण कार्यालयापुढे एक अंगाचा थरकाप उडवणारी घटना घडलीळ आहे. एका अज्ञात व्यक्तीने धावत्या ट्रक समोर उडी घेऊन आत्महत्या केली आहे. ही घटना दुपारी साडेबारा वाजताच्या सुमारास घडली.

वायगावकडून वर्ध्याच्या दिशेने ट्रक येत असताना अचानक ट्रक समोर अंदाजे 30 ते 35 वयाच्या व्यक्तीने उडी घेतली. ट्रक चालकाचा काही कळण्याच्या आतच ट्रक त्या व्यक्तीच्या अंगावरून गेला होता. घटनेची माहिती मिळताच तत्काळ शहर पोलीस घटनास्थळी पोहोचले. मृतदेह जिल्हा सामान्य रुग्णालयातील शवागारात ठेवण्यात आला आहे. मृत व्यक्तीची अद्याप ओळख पटलेली नाही. शहर पोलीस घटनेचा तपास करत आहेत.