ठाणे - सर्वोच्च न्यायालयाने विविध प्राण्यांच्या झुंजीवर बंदी घातली आहे. असे असतानाही स्वातंत्र्यदिनाचे औचित्य साधून भिवंडी तालुक्यातील सुपेगाव 'न्यू इंग्लिश मीडियम स्कूल'च्या मैदानावर बेकायदेशीरपणे रेड्यांची झुंज खेळवली गेली. दहा हजार रुपयांच्या पैजेवर ही झुंज खेळवल्याचा संतापजनक प्रकार समोर आला आहे.
दहा हजाराच्या पैजेसाठी रेड्यांची झुंज
या झुंजीसाठी तालुक्यातील खालिंग गावातील रेडा मालक राकेश पाटील व रामविजय भोईर आणि आनगाव येथील संतोष काशिनाथ भोईर यांच्या रेड्यांमध्ये झुंज लावण्यात आल्याची माहिती सूत्रांनी दिली आहे. याबाबत गणेशपुरी पोलीस ठाण्याचे पोलीस उपनिरीक्षक विजय वायकर यांच्याशी संपर्क साधला. मौजे सुपेगाव येथे बेकायदेशीरपणे रेड्यांची झुंज खेळवण्यात आली असेल, तर त्याची चौकशी करून दोषींवर कारवाई करण्यात येईल असे ते म्हणाले.
