ठाणे : १८० किमीच्या दुसऱ्या टप्प्याचे ठाणे जिल्ह्यातील मुंबई-नागपूर समृद्धी महामार्गाचे (Mumbai Nagpur Samriddhi Highway) काम ८० टक्क्यांपर्यंत संपले आहे. हे काम ५ जून २०२२ पर्यंत संपण्याची अपेक्षा असतांना कोरोनाच्या २ वर्षांमुळे लांबले. आता जुलै २०२३ मध्ये काम संपवण्याचे लक्ष्य आहे. ६ बोगदे आणि त्यातील १ बोगदा तब्बल ८ किमीचा असे या टप्प्यावर मोठे आव्हान होते. (alternative route to Samriddhi Highway) देशातील सर्वाधिक रुंद असा साडेसात किमीचा शहापूर मधील (Samriddhi Highway Work) वाशाळा बोगद्याचा विक्रम यात केला असल्याचे रस्ते विकास महामंडळाचे उपाध्यक्ष मोपलवार यांनी सांगितले. (work of Samriddhi Highway in Thane district) विशेष म्हणजे इगतपुरी पासून शहापूर तालुक्यातील वाशाळापर्यंतचा बोगदा पूर्ण करण्याचे अत्यंत जोखमीचे आणि ऐतिहासिक काम अवघ्या २ वर्षांत पूर्ण केल्याची माहितीही त्यांनी दिली. (Latest news from Thane)
‘तर’ आशिया खंडातील पहिला बोगदा ठरणार : समृद्धी महामार्गावरील चौदाव्या पॅकेजमध्ये घाटातील रस्ता, दरीतील पूल, पायस्थासाठीचे ओव्हरब्रिज, अंडर पास आणि वाशाळाचा बोगदा अशी अनेक आव्हाने होती. तरीही जुलै २०२३ पर्यंत हा दुसरा टप्पा पूर्ण करु. त्यासाठी वेगाने प्रयत्न सुरु आहेत, असेही मोपलवार यांनी सांगितले. ते म्हणाले, डोंगरी भागातील काम हे मोठे आव्हान होते. परंतु कोणत्याही परिस्थितीत येत्या पावसाच्या आत पूर्ण करायचा प्रयत्न आहे. पावसाचे पाणी बोगद्यात शिरु नये यासाठी बोगद्याच्या प्रवेशद्वारावर खास छत तयार करण्यात आले. बोगद्यातील सीलिंग लायनिंग, फायर कोटिंग सीलिंग, रस्ता, अग्निरोधक यंत्रणा, व्हेंटिलेशन, लायटिंग पूर्ण झाले आहे. सुरक्षेच्या कारणासाठी दर ३०० मीटरवर सुरक्षाद्वारे बांधण्यात आली आहेत. सुरक्षिततेची आंतरराष्ट्रीय मानके पूर्ण करणारा शहापूरच्या वाशाळातील बोगदा देशातीलच नव्हे तर आशिया खंडातील पहिला बोगदा ठरणार आहे, अशी माहिती मोपलवार यांनी दिली.
शेतकऱ्यांच्या जमिनीचे महामार्गात दोन तुकडे : मुंबई-नागपूर समृद्धी महामार्गासाठी आवश्यक असलेल्या ठाणे जिल्ह्यातील कल्याण, भिवंडी, शहापूर तालुक्यातील अनेक शेतकऱ्यांच्या जमिनीचे महाराष्ट्र राज्य रस्ते विकास महामंडळाने भूसंपादन करून शेतकऱ्यांना मोबदला दिला. परंतु, अनेक शेतकऱ्यांच्या जमिनीचे महामार्गात दोन तुकडे झाले आहेत. महामार्गासाठी आवश्यक जमिनी एमएसआरडीसीने ताब्यात घेऊन उर्वरित तुकडे आम्ही ताब्यात घेणार नाही आणि त्यांचा आम्हाला काही लाभ नसल्याने आम्ही त्याचा मोबदला देणार नाही, अशी भूमिका महामंडळाने घेतल्याने शेतकऱ्यांची डोकेदुखी वाढली आहे.
जमिनीच्या तुकडय़ाचे आम्ही करू काय?
ठाणे जिल्ह्यातील कल्याण, भिवंडी, शहापूर पट्टय़ात महामार्गामुळे जमिनीचे २० गुंठय़ापेक्षा कमी क्षेत्राचे तुकडे झालेले २३५ शेतकरी आहेत. समृद्धी महामार्गासाठी महामंडळाला नाशिक आणि त्यापुढील भागात शेतकऱ्यांकडून जमिनीचे सलग पट्टे उपलब्ध झाले. ठाणे जिल्ह्यात भात शेती, जमिनीच्या भाऊबंदकीत वाटण्या झाल्या असल्याने जमिनीचे गुंठेवारी मध्ये तुकडे झाले आहेत. अनेक शेतकऱ्यांची ही गुंठेवारीतील जमीन समृद्धी महामार्गात गेली. या मधील जमिनीचा काही भाग महामार्गाने बाधित होत आहे. त्याच्या लगतचा भाग महामंडळाला आवश्यक नसल्याने महामंडळाने त्याचा ताबा शेतकऱ्यांकडे ठेवला आहे. या जमिनीच्या तुकडय़ाचे आम्ही करू काय ? असा प्रश्न करून बाधित शेतकऱ्यांनी या जमिनी महामंडळाने ताब्यात घेऊन त्याचा मोबदला आम्हाला द्यावा अशी मागणी केली आहे.
समृद्धी महामार्गाने शिवाररस्ते अडविल्याने शेतकरी हैराण : येथील शेतकरी शेती व्यवसायावर अवलंबून आहे. शेती व्यवसाय हेच उपजीविकेचे साधन असल्याने शेत व शिवारात ये, जा करणारा रस्ताच अडल्याने शेती व्यवसाय करायचा कसा, असा प्रश्न शेतकरी उपस्थित करीत आहेत. येत्या काही दिवसांत हा प्रश्न सुटला नाही तर तहसील कार्यालयाबाहेर उपोषण करण्याचा इशारा संतप्त शेतकऱ्यांनी निवेदनातून दिला आहे. समृद्धी महामार्गामुळे शहापूर तालुक्यातील ठिकठिकाणचे शेत व शिवाररस्ते अडल्याने शेतकऱ्यांची मोठी अडचण झाली आहे. अनेक ठिकाणी पर्यायी मार्गीका देखील ठेवली नसल्याने ही समस्या सुटावी म्हणून तालुक्यातील शेई गावातील शेतकऱ्यांनी रस्ते विकास महामंडळाला सामूहिक सह्यांचे निवेदन दिले आहे. राष्ट्रवादी काँग्रेसचे आ. दौलत दरोडा यांनी या प्रकरणात लक्ष घालावे म्हणूनही शेतकऱ्यांनी त्यांची देखील भेट घेतली.
४० गावांमधून समृद्धी महामार्ग : ठाणे जिल्ह्य़ातील शहापूर, भिवंडी आणि कल्याण अशा तीन तालुक्यातून ७७ किलोमिटर लांबीचा समृद्धी महामार्ग जाणार आहे. तिन्ही तालुक्यातील एकूण ७७१.०७ हेक्टर जमीन संपादित केली आहे. त्यातील ३१.०९ हेक्टर जमीन सरकारी मालकीची तर २४२.२७ हेक्टर वनजमीन आहे. त्यात सरकारी जमिनीचाही समावेश आहे. ठाणे जिल्ह्य़ातील ४० गावांमधून समृद्धी महामार्ग जाणार आहे.
