ठाणे - मुंब्रा स्थानकात धावत्या ट्रेन मधून दरवाज्यात उभ्या असलेल्या प्रवाशांच्या हातून मोबाईल हिसकावून पळणाऱ्या चोरट्याला पोलिसांनी प्लॅटफॉर्म वरच जेरबंद केले आहे. हा सगळा थरार तेथील सीसीटीव्हीत कैद झाला आहे. चोरट्याचा हा प्रकार पाहून सर्वत्र खळबळ उडाली आहे.
धावत्या ट्रेन मधून मोबाईल चोरून पळनारा जेरबंद
काल रात्री मुंब्रा रेल्वे स्थानकात गाडी येताच गाडीचा वेग कमी झाला, याचा फायदा घेत एका मोबाईल चोराने रेल्वे डब्यातील प्रवाशाचा मोबाईल घेऊन रेल्वेच्या बाहेर उडी मारली. हे पाहताच ज्याचा मोबाईल चोरीला गेला, त्याने देखील बाहेर उडी घेऊन चोराचा पाठलाग सुरू केला. फलाटावर उभ्या असलेल्या पोलिसांनी ही घटना पाहताच पळणाऱ्या चोराचा पाठलाग करून त्याला जेरबंद केले. हा सर्व थरार तिथे लावलेल्या cctv मध्ये कैद झाला आहे. या घटनेमुळे काही काळ मुंब्रा स्थानकात गोंधळाचे वातावरण पसरले होते.
