मोबाईल पळविणारा सराईत चोरटा गजाआड; सव्वा लाखांचे १० मोबाईल जप्त - mobile

हा चोरटा मौजमजा आणि चैनीखातर रस्त्याने जाणाऱ्या वाटसरू, विशेषतः विद्यार्थ्यांच्या हातातील मोबाईल हिसकावून धूम ठोकत असे

मोबाईल पळविणारा सराईत चोरटा गजाआड

Published : May 5, 2019, 9:18 AM IST

ठाणे - सराईत चोरटा आणि गुन्हे शाखेच्या पोलिसांमध्ये झालेला झटापटीचा थरार डोंबिवलीकरांनी अनुभवला. गुन्हे शाखेच्या कल्याण युनीटने एका सराईत आणि चपळ गुन्हेगाराचा पाठलाग करून मुसक्या आवळल्या आणि डझनभर गुन्ह्यांच्या नोंदी असलेल्या या गुन्हेगाराकडून तब्बल सव्वा लाखांचे महागडे मोबाईल जप्त केले.

विशेष म्हणजे हा चोरटा मौजमजा आणि चैनीखातर रस्त्याने जाणाऱ्या वाटसरू, विशेषतः विद्यार्थ्यांच्या हातातील मोबाईल हिसकावून धूम ठोकत असे. विजय आनंत भाकरे (वय २४) असे अटक केलेल्या चोरट्याचे नाव असून त्याला कल्याण न्यायालयात हजर केले असता न्यायालयाने त्याला अधिक चौकशीकरिता पोलीस कोठडीत ठेवण्याचे आदेश दिले आहेत.

डोंबिवली पूर्वेकडील स्थानक परिसरात चोरलेले महागड्या कंपनीचे मोबाईल फोन कमी किमतीत विकण्यासाठी सराईत चोरटा येणार असल्याची माहिती वरिष्ठ पोलीस निरीक्षक संजू जॉन यांना मिळाली होती. त्यानुसार एका पथकाने दुपारी २ वाजल्यापासून जाळे पसरवले होते. पोलिसांनी सापळा रचल्याची चाहूल लागताच चोरट्याने धूम ठोकली. मात्र, पोलिसांनी चपळाईने चोराला पकडले. पोलिसांनी त्याची कसून चौकशी केली. यावेळी त्याने कल्याणच्या विविध भागात घरफोडी केल्याची कबुली दिली. सदर आरोपी हा कल्याणच्या खडकपाडा पोलीस नोंदीमधील सराईत गुन्हेगार असल्याची माहिती वरिष्ठ पोलीस निरीक्षक संजू जॉन यांनी दिली.

मौजमजा आणि चैनीखातर मोबाईल पळविणारा सराईत चोरटा गजाआड; सव्वा लाखांचे १० मोबाईल हस्तगत

ठाणे :- सराईत चोरटा आणि क्राईम ब्रँचच्या पोलिसांमध्ये झालेला झटापटीचा थरार डोंबिवलीकरांनी अनुभवला. क्राईम ब्रँचच्या कल्याण युनीटने एका सराईत आणि चपळ गुन्हेगाराच्या थरारक पाठलाग करून मुसक्या बांधल्या आणि डझनभर गुन्ह्यांच्या नोंदी असलेल्या या गुन्हेगाराकडून तब्बल सव्वा लाखांचे महागडे मोबाईल हस्तगत केले.

विशेष म्हणजे हा चोरटा मौजमजा आणि चैनीखातर रस्त्याने जाणाऱ्या वाटसरू, विशेषतः विद्यार्थ्यांच्या हातातील मोबाईल हिसकावून धूम ठोकत असे. विजय आनंत भाकरे (24, रा. बापगाव, चौदार पाडा भिवंडी, सद्या रा. अंबिवली-कल्याण) असे अटक केलेल्या चोरट्याचे नाव असून कल्याण कोर्टात हजर केले असता कोर्टाने त्याला अधिक चौकशीकरिता पोलिस कोठडीत ठेवण्याचे आदेश दिले आहेत.

डोंबिवली पूर्वेकडील स्टेशन परिसरात चोरलेले महागडे कंपनीचे मोबाईल फोन कमी किमतीत विकण्यासाठी सराईत चोरटा येणार असल्याची माहिती वरिष्ठ पोलीस निरीक्षक संजू जॉन यांना मिळाली होती. त्यानुसार फौजदार नितीन मुदगून, फौजदार निलेश पाटील, जमादार ज्योतीराम साळुंखे, दत्‍ताराम भोसले, राजेंद्र खिलारे, राजेंद्र घोलप, सतीश पगारे, अजित राजपूत, अरविंद पवार आणि निवृत्ती थेरे या पथकाने दुपारी दोन वाजल्यापासून जाळे पसरले होते. पोलिसांनी सापळा लावल्याची चाहूल लागताच चोरट्याने धूम ठोकली. मात्र पोलिसांनी विजेच्या चपळाईने या चोरट्याची काही अंतरावर गठडी वळली. या चोरट्याने फेकलेल्या बॅगमध्ये सॅमसंग, विवो, लावा, वन मी, कोमिओ व अन्य असे वेगवेगळ्या कंपन्यांचे महागडे 10 मोबाईल आढळून आले. पोलिसांनी त्याची कसून चौकशी केली. मात्र हा चोरटा कोणतीही माहिती देण्यात टाळाटाळ करत होता. मात्र पोलिसी खाक्या दाखवताच त्याने कल्याणच्या विविध भागात वेगवेगळ्या ठिकाणी घरफोडी केल्याची कबूली दिली. त्याच्याकडून खडकपाडा पोलिस ठाण्यात दाखल असलेले चार गुन्हे उघडकीस आले. शिवाय अनेक ठिकाणी त्याने केलेल्या दहा-बारा गुन्ह्यांची कबुली दिली.

सराईत चोरटा विजय कडून वेगवेगळ्या कंपन्यांचे 1 लाख 25 हजार रूपये किंमतीचे महागडे मोबाईल पोलिसांनी हस्तगत केले. विशेष म्हणजे आरोपी विजय भाकरे हा मौजमजा आणि चैनीखातर रस्त्याने जाणाऱ्या वाटसरू, विशेषतः विद्यार्थ्यांच्या हातातील मोबाईल हिसकावून धूम ठोकत असे. पुढील तपासासाठी जप्त करण्यात आलेल्या मुद्देमालासह या चोरट्याला खडकपाडा पोलिसांच्या ताब्यात देण्यात आले आहे. तसेच सदर आरोपी हा कल्याणच्या खडकपाडा पोलिस रेकॉर्डवरील सराईत गुन्हेगार असल्याची माहिती वपोनि वरिष्ठ पोलीस निरीक्षक संजू जॉन यांनी दिली.