ठाणे - मुंबई येथील डी.जी. कार्यलयात माझी ओळख असून याठिकाणी नोकरी लावून देतो, अशी थाप मारून एका ठगाने बदलापुरातील 'सिकंदर'ला चार लाखांचा गंडा घालून फरार झाला आहे. याप्रकरणी बदलापूर पूर्व पोलीस ठाण्यात ठगावर 420 चा गुन्हा दाखल करण्यात आला. रोशन शेषराव चव्हाण (वय 32 वर्षे, रा. मालेगाव ,जी. वाशीम), असे गुन्हा दाखल झालेल्या ठगाचे नाव आहे.
सिकंदरच्या मुलीला होती नोकरीची गरज
बदलापूर पूर्वेकडील गांधी चौक परिसरातील एका इमारतीध्ये सिकंदर हमीद शेख (वय 48 वर्षे) हे कुटूंबासह राहतात. काही महिन्यांपूर्वी ठग रोशन याच्याशी ओळख झाली होती. त्यातच सिकंदर यांच्या सना नावाच्या मुलीला नोकरीची गरज असल्याची माहिती ठगाला मिळली. त्यानंतर त्याने सिकंदर यांना माझी मुंबईतील डी.जी. कार्यलयात ओळख असून तुमच्या मुलीला या कार्यलयात नोकरी लावतो, अशी थाप मारून सिंकदर यांच्याकडून वेळोवेळी नोकरी देण्याच्या बहाण्याने सुमारे 4 लाख 20 हजार रुपये उकळले.
ठग 4 लाख घेऊन मूळ गावी पसार
सिकंदर यांनी मुलीला नोकरी लागले या आशेपोटी दिलेली 4 लाख 20 हजार रुपयांची रक्कम देऊनही ठग नोकरी मिळवून देत नसल्याचे लक्षात आले. त्यांनतर सिकंदर यांनी ठग रोशन चव्हाणला दिलेली रक्कम परत मागितली. रक्कम देण्यास टाळाटाळ करून ठग रोशन वाशीम जिल्ह्यतील मालेगाव तालुक्यात आलेल्या जऊळका या मूळ गावी पसार झाला. आता पोलीस या ठघाच्या मागावर मूळगावी गेली असून या गुन्ह्याचा अधिक तपास सहायक पोलीस निरीक्षक मंगेश बुऱ्हाडे करत आहेत.
हेही वाचा - ठाण्यातील बिवलवाडीत तब्बल ७२ वर्षाने आले नळाला पाणी; महिलांच्या भटकंतीला ब्रेक
