ठाणे - कोरोना काळात अनेक उद्योगधंद्यांना या आर्थिक फटका बसला आहे. अनेक नवीन उद्योगही कोरोना काळात पूर्णपणे बंद पडलेले असून सुरू असलेले उद्योगही संथगतीने सुरू आहेत. सर्वसामान्य माणसांच्या आयुष्यात महत्त्वाचा भाग असलेला लॉन्ड्री व्यवसायही डबघाईला आलेला आहे. निर्बंधात काही प्रमाणात शिथिलता असली तरी काही धंदे हे जैसे तेच आहेत.
कोरोनामुळे व्यवसायिक अडचणीत आले आहेत. रोजचा खर्च चालवणे, मुलांचे शिक्षण, वीज बिल यात होती ती जमापुंजी वापरले आहे. त्यामुळेच हलाखीचे दिवस सर्वच व्यावसायिकांना पाहायला लागलेले आहेत. अनेकांवर तर रोजगार नसल्यामुळे गावी जाण्याचीही वेळी आली होती. पण, काहींनी गावी न जाता परिस्थितीशी दोन हात करत येथेच राहण्याचा निर्णय घेतला व त्यातूनच आम्ही सर्व सावरलेले आहे, असे मनोगत व्यावसायिकांनी वक्त केले आहे.
आम्हीही भीतीच्या छायेत होतो
टाळेबंदीच्या वेळी लोकही आपले कपडे लॉन्ड्रीला देण्यासाठी खूप घाबरत होते. फक्त पोलीस व आरोग्य कर्मचारीच त्यांचे कपडे लॉन्ड्रीला देत होते. मात्र, आम्हालाही कोरोनाची भीती होतीच. त्यामुळेच आम्ही सर्व कपडे सॅनिटाईज करूनच लॉन्ड्रीमध्ये घेत होतो. त्यामुळे कोणताही संसर्ग हा कपड्यामार्फत घरी जाणे हे टाळता आले. काही प्रमाणात निर्बंध हटवले असले तरी अद्यापपर्यंत व्यवसाय पूर्णपणे सुरळीत झालेला नाही. सरकार आता नक्की कोणते पाऊल उचलते त्यावर हा व्यवसाय करणारे आणि त्यांचे कुटुंबीय अवलंबून आहेत.
हेही वाचा - डोंबिवलीत एक रुपये प्रति लिटर पेट्रोल, नागरिकांच्या लांब रांगा
