ठाणे - घरकाम, मजुरी करुन जगणाऱ्या आणि रेल्वे मार्गालगत राहणाऱ्या गरिबांच्या व्यथा मंत्री जितेंद्र आव्हाड यांनी रेल्वेमंत्री अश्विनी वैष्णव ( Railway Minister Ashwini Vaishnaw ), रेल्वे राज्यमंत्री रावसाहेब दानवे यांच्याकडे व्यक्त ( Jitendra Awhad On Slum Home ) केली. आपण घर देऊ शकतो, मात्र त्यांना अन्न देऊ शकत नाही. त्यामुळे त्यांचे पुनर्वसन त्यांच्या घराशेजारीच असलेल्या जागेवर करावे, अशी मागणीही आव्हाड यांनी रेल्वेमंत्र्याकडे केली ( Jitendra Awhad Redevelopment Railway Line home ) आहे.
सात दिवसांच्या आत झोपड्या खाली करा, अशा लाखो नोटिसा मध्य रेल्वेने मार्गालगत राहणाऱ्या झोपडपट्टीधारकांना दिल्या आहेत. त्यामुळे एकच भीती झोपडपट्टीधारकांमध्ये निर्माण झाली आहे. त्यात सर्वोच्च न्यायालयाचा आदेश देखील आल्याने हा विषय गंभीर बनला आहे. त्यावर राज्य सरकार आणि रेल्वे प्रशासनाने तातडीने तोडगा काढने आवश्यक आहे. त्याच पार्श्वभुमीवर जितेंद्र आव्हाड यांनी रेल्वेमंत्री आणि रेल्वे राज्यमंत्री यांच्याकडे हा प्रश्न सोडवण्याची मागणी केली.
तर छातीचा कोट करून उभा राहीन
यापुर्वी नोटिसा दिल्यानंतर जितेंद्र आव्हाड यांनी कल्याण-डोंबिवली मध्ये या झोपडपट्टीधारकांची एक बैठक घेतली. यावेळी झोपड्यांवर करण्यात येणाऱ्या कारवाईच्या विरोधात छातीचा कोट करुन उभा राहील, अशी भूमिका त्यांनी मांडली होती.
हेही वाचा - Nilam Gorhe warns BJP : लक्षात ठेवा तुमच्या सगळ्यांचा सातबारा आमच्याकडे- नीलम गोऱ्हेंचा भाजपला इशारा
