ठाणे - डोंबिवलीमधील गणेश मंदिर संस्थान परिसरात आज गुढीपाडवा साजरा करण्यात आला. सकाळी ७ वाजण्याच्या सुमारास नववर्ष स्वागत यात्रेला सुरुवात झाली. या शोभायात्रेत विविध देखावे साकारण्यात आले.
डोंबिवलीमधील नववर्ष शोभायात्रा
सध्या लोकसभा निवडणुकीचे वातावरण आहे. त्यामुळे मतदाराला आकर्षण करण्यासाठी आणि जन जागृती करण्यासाठी मतदान करा, असा संदेश देणारा सैनिक तसेच लढाऊ मिग विमानाचा देखावा देखील या यात्रेत साकारण्यात आला. ढोलताशे पथक, लेझीम पथक, भगवे फेटे घातलेले तरुण-तरुणी, अबाल वृद्ध यांनी शोभायात्रा सजून निघाली होती. नववर्षाच्या स्वागत यात्रेत शहराच्या महापौर विनिता राणे, खासदार श्रीकांत शिंदे, राज्यमंत्री आणि डोंबिवली आमदार राज्यमंत्री रवींद्र चव्हाण आदींनी सहभाग घेतला होता.
