24 जूनला नवी मुंबईतील वाहतूक व्यवस्थेत बदल, अवजड वाहनांना महापालिका क्षेत्रात प्रवेशास मनाई

नवी मुंबई आंतरराष्ट्रीय विमानतळाला लोकनेते दि. बा. पाटील यांचे नाव देण्यात यावे, अशी मागणी नवी मुंबई, उरण आणि पनवेलमधील प्रकल्पग्रस्तांकडून करण्यात येत आहे. या पार्श्वभूमीवर येत्या 24 जूनला नवी मुंबई व परिसरात आंदोलन करण्यात येणार आहे. त्यामुळे शहरातील वाहतूक व्यवस्थेमध्ये बदल करण्यात आला आहे. नवी मुंबईत या दिवशी अवजड वाहनांना प्रवेश करण्यास मनाई करण्यात आली आहे.

नवी मुंबई - नवी मुंबई आंतरराष्ट्रीय विमानतळाला लोकनेते दि. बा. पाटील यांचे नाव देण्यात यावे, अशी मागणी नवी मुंबई, उरण आणि पनवेलमधील प्रकल्पग्रस्तांकडून करण्यात येत आहे. या पार्श्वभूमीवर येत्या 24 जूनला नवी मुंबई व परिसरात आंदोलन करण्यात येणार आहे. त्यामुळे शहरातील वाहतूक व्यवस्थेमध्ये बदल करण्यात आला आहे. नवी मुंबईत या दिवशी अवजड वाहनांना प्रवेश करण्यास मनाई करण्यात आली आहे.

सकाळी 8 ते रात्री 8 वाजेपर्यंत वाहतुकीमध्ये बदल

आंदोलनाच्या पार्श्वभूमीवर कायदा व सुव्यवस्थेच्या अनुषंगाने नवी मुंबई महानगरपालिका क्षेत्रातील वाहतूक व्यवस्थेमध्ये बदल करण्यात आला आहे. 24 जून रोजी सकाळी 8 ते रात्री 8 वाजेपर्यंत अवजड वाहनांना महापालिका क्षेत्रात प्रवेश करण्यास मनाई करण्यात आली आहे.

मुंबई-पुणे वाहतुकीमध्ये देखील बदल

मुंबईहून पुण्याकडे तसेच पुण्याहून मुंबईकडे येणाऱ्या वाहतुकीमध्ये देखील बदल करण्यात आला आहे. वाशी टोल नाका, वाशी गाव, पाम बीच मार्ग शिळ फाटा या मार्गाने वाहतूक वळवण्यात येणार आहे. तसेच एरोली टोल नाका, रबाळे, शीळफाटा, कळंबोली या मार्गाने देखील पुण्याकडे जाता येईल. दरम्यान गोव्याला जाणारे वाहने देखील नवी मुंबई शहरातील हायवे वरून न जाता, जेएनपीटी रोड व जुना मुंबई - पुणे हायवेवरून जाणार आहेत.

हेही वाचा - कोव्हॅक्सिनची लस ७७.८ टक्के लस कार्यक्षम; तिसऱ्या टप्प्यातील चाचणीचे निष्कर्ष