ठाणे - कोल्हापूर, सांगली आणि कोकणात झालेल्या पूरपरिस्थितीमुळे यावर्षी आनंद चॅरिटेबल ट्रस्टची जांभळी नाका येथील दहीहंडी साजरी करण्यात आली नाही. फक्त कर्करोगसारख्या मोठ्या आजारातून बरे झालेल्या लहान मुलांना दरवर्षी प्रमाणे हंडी फोडण्याचा मान दिला. यावेळी शिवसेना खासदार राजन विचारे यांची उपस्थिती होती.
ठाण्यात कर्करोग पीडित रुग्णांची छोटी दहीहंडी साजरी
यावेळी या मुलांनी उत्स्फूर्तपणे 2 थर रचून ही हंडी फोडली. या हंडीसाठी लागणारा सर्व खर्च पूरग्रस्तांना मदत म्हणून देण्यात आलेला आहे. दरवर्षी या ठिकाणी कर्करोग पीडित आणि त्यातून बरे झालेले गोविंदा हंडी फोडतात. या आजारामुळे मानसिक तणावातून थोडासा आनंद देण्यासाठी या हंडीचे आयोजन करण्यात येते.
