ठाणे - मोबाईलवर सतत पबजी गेम खेळतो म्हणून आई ओरडल्याने त्याचा मनात राग धरून एका कॉलेज युवकाने घर सोडून पलायन केल्याची घटना समोर आली आहे. ही घटनाशहरातील मानसरोवर येथील लेक व्ह्यूसोसायटीत घडली आहे. मयुर राजेंद्र गुळुंजकर ( १७) असे मुलाचे नाव आहे. तो बीएनएन महाविद्यालयात ११ वीच्या वर्गात शिकत आहे.
परीक्षा तोंडावर आलेली असताना मयूर हा अभ्यास करायचे सोडून सततमोबाईलवरपबजी गेम खेळण्यात गुंतला होता. त्याचा परिणाम अभ्यासावर होत होता. त्यामुळे त्याचीआई निर्मला या त्याच्यावर रागावल्या. आईच्या रागवण्याचा मयूरला राग आला. तो रविवारी रोजच्या प्रमाणेभिवंडी रेल्वे स्थानक येथे मामे बहीणीला आणण्यासाठी मोटारसायकल घेऊन गेला होता. मात्र, मयुरने मोटारसायकल वमोबाईल व गाडीची चावीहँडलसमोरठेवून तोनिघून गेला.
त्यानंतर काही वेळातचदुचाकी उभी असलेल्या ठिकाणी त्याची मामे बहीण आली. मात्र, त्याठिकाणी मयूरदिसून आला नाही. तिने त्याला मोबाईलवरून संपर्क करण्याचा प्रयत्न केला. मात्र,त्याचा मोबाईलदुचाकीवरच वाजत असल्याचे तिच्या निदर्शनास आले. त्यामुळे तिने घरी कुटुंबियांशी संपर्क साधूनया घटनेची माहिती दिली.
दरम्यान, मयूरचे वडील राजेंद्र गुळुंजकर यांनी भिवंडी शहर पोलीस ठाण्यात मयूर हरवल्याची तक्रार दिली आहे. मात्र, सर्वोच्च न्यायालयाच्या आदेशानूसार पोलिसांनी मयूरच्याअपहरणाचा गुन्हा दाखल केला आहे. या घटनेचा अधिक तपास पोलीस उपनिरीक्षक दिनेश पाटील करीत आहे.
