ठाणे : तरुणाच्या फाशीमुळे शहरात खळबळ उडाली आहे. विठ्ठल मिसाळ असे मृतदेह आढळून आलेल्या तरुणाचे नाव आहे. तो बीड जिल्ह्यातील रहिवासी आहे. मध्य रेल्वेच्या मार्गावरील कल्याण रेल्वे जक्शन आहे. या स्टेशनवरून देशभरात मेल एक्स्प्रेस या लांबपल्ल्याच्या रेल्वेसह लोकलने प्रवास करणारे सुमारे तीन लाखाहून अधिक प्रवाशी २४ तास प्रवास करतात. यामुळे कल्याण रेल्वे परिसर दिवसरात्र नागरिकांनी गजबलेला असतो.
५० ते ६० फूट उंचावर गळफास : स्टेशन समोर प्रवाशांना जाण्यासाठी स्कायवॉक उभारला आहे. आज पहाटेच्या सुमारास स्कायवॉकच्या खालच्या बाजूने म्हणजे जमिनीपासून ५० ते ६० फूट उंचावर एक तरुण गळफास घेतलेल्या अवस्थेत काही नागरिकांनी पाहिले. त्यापैकी काही नागरिकांनी या घटनेचा व्हिडिओ काढला. तर दुसरीकडे या घटनेची माहिती महात्मा फुले चौक पोलिसांना मिळताच पोलिसांचे एक पथक घटनास्थळी दाखल होऊन पंचनामा केला. त्यानंतर अग्निशमन दलाच्या जवानांच्या मदतीने तरुणाचा मृतदेह खाली उतरवून शवविच्छेदनासाठी कल्याण डोंबिवली महापालिकेच्या बाई रुक्मिणी रुग्णालयात पाठवला आहे.
घरी फोन करून केली आत्महत्या : महात्मा फुले पोलीस स्टेशनचे प्रदीप पाटील यांनी महिती दिली की, विठ्ठल मिसाळ हा जीवनाला कंटाळून आत्महत्या केल्याचे सांगितले. आत्महत्यापूर्वी त्यांने घरी फोन करून सांगितले होते. तेव्हा घरच्या व्यक्तीने महात्मा फुले पोलीस स्टेशनला फोन करून ही माहिती दिली. त्याचबरोबर तरूणाच्या सुसाइड नोट सापडली आहे.
