सोलापूर : आषाढी वारीसाठी राज्यभरातून लाखो वारकरी भाविक येतात. त्यांची कुठल्याही प्रकारची गैरसोय होणार नाही, यासाठी जिल्हा प्रशासनाला नियोजनबद्ध व शिस्तबद्ध तयारी करण्याच्या सूचना देण्यात आल्या आहेत. वारकरी भाविकांच्या सोयी सुविधांसाठी निधीची कसलीही कमतरता भासू देणार नाही, अशी ग्वाही राज्याचे मुख्यमंत्री एकनाथ शिंदे यांनी पंढरपूर येथे रविवारी दिली. पाहणी दौरा दरम्यान मुख्यमंत्री एकनाथ शिंदे काही अधिकाऱ्यावर संतापले होते.
-
आषाढी वारी सोहळ्याच्या पार्श्वभूमीवर आज #पंढरपूर येथे जाऊन जिल्हा प्रशासनाकडून करण्यात आलेल्या सोयी सुविधांचा आढावा घेतला.
— Eknath Shinde - एकनाथ शिंदे (@mieknathshinde) June 25, 2023 " class="align-text-top noRightClick twitterSection" data="
यानंतर प्रत्यक्ष मंदिराला भेट देऊन विठुरायाचे आणि रुक्मिणी मातेचे मनोभावे दर्शन घेतले. त्यानंतर प्रत्यक्ष मंदिरात आणि सभा मंडपात भाविकांसाठी करण्यात आलेल्या… pic.twitter.com/XaTz86Z2YQ
">आषाढी वारी सोहळ्याच्या पार्श्वभूमीवर आज #पंढरपूर येथे जाऊन जिल्हा प्रशासनाकडून करण्यात आलेल्या सोयी सुविधांचा आढावा घेतला.
— Eknath Shinde - एकनाथ शिंदे (@mieknathshinde) June 25, 2023
यानंतर प्रत्यक्ष मंदिराला भेट देऊन विठुरायाचे आणि रुक्मिणी मातेचे मनोभावे दर्शन घेतले. त्यानंतर प्रत्यक्ष मंदिरात आणि सभा मंडपात भाविकांसाठी करण्यात आलेल्या… pic.twitter.com/XaTz86Z2YQआषाढी वारी सोहळ्याच्या पार्श्वभूमीवर आज #पंढरपूर येथे जाऊन जिल्हा प्रशासनाकडून करण्यात आलेल्या सोयी सुविधांचा आढावा घेतला.
— Eknath Shinde - एकनाथ शिंदे (@mieknathshinde) June 25, 2023
यानंतर प्रत्यक्ष मंदिराला भेट देऊन विठुरायाचे आणि रुक्मिणी मातेचे मनोभावे दर्शन घेतले. त्यानंतर प्रत्यक्ष मंदिरात आणि सभा मंडपात भाविकांसाठी करण्यात आलेल्या… pic.twitter.com/XaTz86Z2YQ
पंढरपूर दौऱ्याची चर्चा : यंदाच्या आषाढी एकादशीच्या सोहळ्यास प्रशासनाकडून जय्यत तयारी सुरू असून तेलंगणाचे मुख्यमंत्री के.चंद्रशेखर राव हे त्यांच्या संपूर्ण मंत्रिमंडळासह विठूरायाच्या दर्शनासाठी येत आहेत. राव हे उद्या पंढरपूर येथे दाखल होणार आहेत. महाराष्ट्राचे मुख्यमंत्री एकनाथ शिंदे हे आषाढी वारीच्या महापूजेसाठी 28 जून रोजी पंढरपूरमध्ये येणार होते. तेव्हा महाराष्ट्राच्या मुख्यमंत्र्यांच्या अगोदर तेलंगणाचे मुख्यमंत्री पंढरपुरात दाखल अशी चर्चा नागरिकांमध्ये होत असताना मुख्यमंत्री पंढरपूरमध्ये दाखल झाले. काल नांदेड येथील कार्यक्रम आटपून मुख्यमंत्री एकनाथ शिंदे अचानक सोलापूर मार्गे पंढरपूरला आल्याने तेलंगणाचे मुख्यमंत्री के चंद्रशेखर राव यांच्या अगोदर एकनाथ शिंदे हे पंढरपुरात दाखल झाले.
यात्रेची पाहणी : यात्रेपूर्वी पाहणी करणारे आणि वारकरी भाविकांशी संवाद साधून त्यांच्या अडचणी जाणणारे पहिले मुख्यमंत्री होण्याचा मान एकनाथ शिंदे यांना मिळाला आहे. आषाढी यात्रेच्या पार्श्वभूमीवर एकनाथ शिंदे यांनी पंढरपूर येथील विविध ठिकाणी भेट दिली. आषाढी यात्रेची पूर्व तयारीची पाहणी करून आढावा घेतला. यावेळी पत्रकारांशी त्यांनी संवाद साधला. दरम्यान यावेळी मुख्यमंत्र्यांनी गोपाळपूर येथील महाआरोग्य शिबिर, पत्रा शेड, श्री विठ्ठल - रूक्मिणी मंदिर, 65 एकर या ठिकाणी भेट देऊन पाहणी केली. पाहणी केल्यानंतर त्यांनी विठ्ठल रूक्मिणीचे दर्शन घेतले.
या कामांची पाहणी : मुख्यमंत्री एकनाथ शिंदे यांनी वारकरी भाविकांना देण्यात येणाऱ्या सोयी - सुविधांबद्दल समाधान व्यक्त करून आवश्यक त्या ठिकाणी योग्य त्या सूचना केल्या. दर्शन रांगेमध्ये भाविकांना त्रास होऊ नये, म्हणून मंडप उभा केला आहे. पंख्यांची व्यवस्था केली आहे. यामुळे त्यांचे ऊन - पावसापासून संरक्षण होईल, असे मुख्यमंत्री शिंदे म्हणाले. एसटीच्या जादा गाड्या, वारकऱ्यांच्या वाहनांसाठी पथकर माफी अशा सुविधांसह यावर्षी वारकऱ्यांचा प्रथमच विमा काढला आहे. तसेच, वारकऱ्यांचे आरोग्य जपण्यासाठी महाआरोग्य शिबिराचे आयोजन केले आहे. पोलिसांनी देखील भाविकांच्या सुरक्षेच्या दृष्टीने सर्व काळजी घेतल्याचे ते म्हणाले.
वारकऱ्यांना त्रास नको : येत्या 29 जुलै रोजी आषाढी यात्रेचा मुख्य सोहळा साजरा होत आहे. या सोहळ्यासाठी लाखो भाविक पंढरपूरमध्ये दाखल होऊ लागले आहेत. येणाऱ्या भाविकांसाठी मंदिर समिती व प्रशासनाच्या वतीने दर्शन रांगेत देण्यात येणाऱ्या मॅट, स्वच्छ पेयजल, आरोग्य, शौचालये आदि सुविधा तसेच, महिला भाविकांसाठी देण्यात सुविधांसह अन्य आवश्यक बाबींचा त्यांनी आढावा घेतला. गत महिन्यात घेण्यात आलेल्या नियोजन बैठकीत यावर्षीची आषाढी वारी अतिशय नियोजनबद्ध झाली पाहिजे. वारकरी संप्रदायाची कुठल्याही प्रकारची गैरसोय, अडचण होता कामा नये, अशा सूचना प्रशासनाला केल्या होत्या. नियोजनात त्रृटी राहणार नाहीत, यासाठी आपण स्वतः पाहणी करण्यासाठी आलो आहोत, असे त्यांनी यावेळी सांगितले.
सूचना केल्या : येथील वारकऱ्यांना मुबलक व शुद्ध पिण्याच्या पाण्याची व्यवस्था तात्काळ करावी, पावसाळ्यामुळे चिखल होणार नाही याची दक्षता घेऊन आवश्यक त्या ठिकाणी मुरूमीकरण करावे. 65 एकर पुढील रस्त्याची तात्काळ दुरुस्ती करावी, असे निर्देश त्यांनी यावेळी दिले. 65 एकर येथील, हिंदुहृदय सम्राट बाळासाहेब ठाकरे आपला दवाखाना येथे भेट देऊन उपचार घेत असलेल्या रुग्णांचीही त्यांनी विचारपूस केली.
