Mumbai Pune Highway Accident : मुंबई-पुणे महामार्गावर डेकोरेशन साहित्याची वाहतूक करणाऱ्या गाडीचा अपघात, एकाचा मृत्यू

पुणे महामार्गावर 1 मार्च रोजी पहाटेच्या सुमारास डेकोरेशन ( Mumbai Pune Highway Accident ) साहित्याची वाहतूक करणाऱ्या गाडीचा भीषण अपघात झाला. यावेळी गाडीच्या टपावरुन प्रवास करणारे तब्बल 22 जण भर रस्त्यात कोसळले. त्यात एकाचा दुदैवी मृत्यू झाला आहे.

रायगड - मुंबई-पुणे महामार्गावर 1 मार्च रोजी पहाटेच्या सुमारास डेकोरेशन ( Mumbai Pune Highway Accident ) साहित्याची वाहतूक करणाऱ्या गाडीचा भीषण ( Decoration Vehicle Accident ) अपघात झाला. यावेळी गाडीच्या टपावरुन प्रवास करणारे तब्बल 22 जण भर रस्त्यात कोसळले. त्यात एकाचा दुदैवी मृत्यू झाला आहे. अन्य चार ते पाच जण गंभीर जखमी झाले असून त्यांची प्रकृती चिंताजनक असल्याची माहिती आहे.

अंडा-पॉईंट जवळ झाला अपघात -

पहाटे तीन वाजेच्या सुमारास मुंबई-पुणे महामार्गावरील मॅजिक पॉईंट जवळ (अंडा पॉईंट) बोरघाट येथे डेकोरेशन साहित्याची वाहतूक करणाऱ्या गाडीचा अपघात झाला. सहारा सिटीयेथून मंडप काम करुन डेकोरेशन साहित्याने भरलेली गाडी मुंबईकडे जात होती. या अपघातात गाडीतील टपावर बसलेले 22 जण खाली कोसळले. त्यातील एकाने जीव गमविला आहे. तर चार ते पाच जण गंभीर जखमी झाले आहेत. जखमींना खोपोली नगरपालिका रुग्णालयात उपचारासाठी नेण्यात आले. आयआरबी पेट्रोलिंग, देवदूत यंत्रणा, डेल्टा फोर्स, लोकमान्य आरोग्य यंत्रणा, खोपोली पोलीस स्टेशनचे कर्मचारी यांनी यावेळी मदतकार्य करत जखमींना हॉस्पिटलमध्ये दाखल केले.

हेही वाचा - Ukraine President Addressed European Parliament : 'आम्ही आमच्या भूमीसाठी आणि आमच्या स्वातंत्र्यासाठी लढत आहोत आम्ही युक्रेनियन', संसदेत टाळ्यांच्या कडकडाटात स्वागत