तमाशा कलावंत मंगला बनसोडे यांची भावनिक हाक; पूरग्रस्तांच्या मदतीसाठी केले आवाहन

तमाशाच्या माध्यमातून प्रबोधन करणाऱ्या बनसोडे कुटूंबाने नैसर्गिक आपत्ती आल्यावर सावरण्यासाठी प्रत्येक वेळी योगदान दिले आहे. आताही हे कुटूंब पूरग्रस्ताच्या पाठीशी उभे राहिले आहे. त्यांनी आपल्या करवडी (ता. कराड) या गावातून पूरग्रस्तांना मदत पाठवली आहे.

सातारा - राष्ट्रपती पुरस्कारप्राप्त सुप्रसिद्ध तमाशा कलावंत मंगला बनसोडे आणि त्याचे सुपुत्र नितीन कुमार बनसोडे हे पूरग्रस्तांच्या मदतीला धावले आहेत. त्यांनी आपल्या करवडी (ता. कराड) या गावातून पूरग्रस्तांना मदत पाठवली आहे.

बनसोडे यांनी 5000 जणांचे अन्नधान्य, 1500 फूड पॅकेट आणि पाणी बाटली, 100 साड्या आणि 200 ब्लॅकेट, चादरी, कपडे पूरग्रस्तांना पोहोचवली आहेत. हे सगळ्यांवर आलेले संकट आहे. या संकटाचा आपण मिळून सामना करण्याची गरज आहे. प्रत्येकजण पूरग्रस्तांच्या पाठीशी उभा राहिला, तर आपण त्यांना सावरू शकू. सातारा, सांगली, कोल्हापूर या जनतेने मला मोठं केलं आहे. त्यांना मदत करने माझे कर्तव्यच आहे, असे मंगला बनसोडे म्हणाल्या.तमाशाच्या माध्यमातून प्रबोधन करणाऱ्या बनसोडे कुटुंबाने नैसर्गिक आपत्ती आल्यावर सावरण्यासाठी प्रत्येक वेळी योगदान दिले आहे. आताही हे कुटूंब पूरग्रस्ताच्या पाठीशी उभे राहिले आहे. सर्व क्षेत्रातील लोकांनी या ठिकाणी मदत करावी, असे आवाहनही त्यांनी केले आहे.