सातारा - छत्रपती शिवाजी महाराजांनी अफजल खानाला यमसदनी धाडले तो दिवस शिवप्रताप दिन म्हणून साजरा केला जातो. त्या शौर्यगाथेची आठवण म्हणून प्रतापगडावर दरवर्षी मोठा उत्सव साजरा केला जातो.यंदाचा शिवप्रताप दिन शासनाच्या वतीने साजरा करण्यात आला. मात्र, कोरोना साथरोगाच्या पार्श्वभूमीवर साध्या आणि कमीत कमी लोकांच्या उपस्थितीमध्ये साजरा करण्यात आला. यावेळी जिल्हाधिकारी शेखर सिंह यांनी छत्रपती शिवाजी महाराज यांच्या पुतळ्यास पुष्पहार घालून अभिवादन केले.
किल्ले प्रतापगडावर शासनाच्या वतीने छत्रपती शिवरायांना अभिवादन कोरोनाच्या पार्श्वभूमीवर यंदाचा शिवप्रताप दिन साध्या पद्धतीने साजरा करण्याबाबतच्या सूचना जिल्हाधिकारी यांनी यापूर्वीच दिल्या होत्या. तसेच शिवप्रताप दिनानिमित्त शहर व जिल्ह्यात आयोजित करण्यात येणारे इतर सर्व कार्यक्रमही रद्द करण्यात आले होते. केवळ शासकीय कार्यक्रमास परवानगी देण्यात आली होती. त्यानुसार आज किल्ले प्रतापगडावर शिवप्रतापदिन अत्यंत साधेपणाने व उत्साहात साजरा झाला. यावेळी अधीक्षक अजयकुमार बन्सल, वाईच्या प्रांताधिकारी संगिता राजापूरकर -चौगुले, महाबळेश्वर पोलीस निरीक्षक प्रभाकर मोरे आदी शासकीय अधिकारी उपस्थित होते.
छत्रपतींची मूर्ती असलेल्या पालखीची मिरवणूकआई भवानी मातेची मंत्रोच्चाराच्या गजरात षोडशोपचार पूजा बांधण्यात आली. त्यानंतर जिल्हाधिकारी सिंह यांच्या हस्ते आई भवानीची आरती करण्यात आली. भवानी मातेच्या मंदिरासमोर ध्वजस्तंभाचे मान्यवरांच्या हस्ते विधिवत पूजन करून शिवशाहीचे प्रतीक असणाऱ्या भगव्या ध्वजाचे रोहण करण्यात आले. मानाच्या पालखीचे मान्यवरांच्या हस्ते पूजा करण्यात आली. त्यानंतर छत्रपतींची मूर्ती असलेल्या या पालखीची वाजत गाजत मिरवणूक सुरू झाली.
किल्ले प्रतापगडावर शासनाच्या वतीने छत्रपती शिवरायांना अभिवादन अश्वारुढ पुतळ्याजवळ मिरवणूक पोहोचल्यानंतर जिल्हाधिकारी शेखर सिंह यांच्या हस्ते छत्रपती शिवाजी महाराजांच्या पुतळ्यास जलाभिषेक व पुष्पहार अर्पण करून पूजन करण्यात आले. शिवपुतळा परिसर फुलांनी सजविण्यात आला होता. तर पोलीस बँडने सुमधूर व राष्ट्रभक्तीपर गितांच्या धून वाजवल्या यावेळी वाजवण्यात आल्या. शिवप्रताप दिनाच्या निमित्ताने गडावर सर्वत्र भगवे झेंडे लावण्यात आले होते. या सोहळ्यासाठी आलेल्या मान्यवरांनी भगवे फेटे परिधान केले होते. त्यामुळे भगव्या रंगात नटलेला किल्ले प्रतापगाडाचा परिसर शिवमय झाला होता.
किल्ले प्रतापगडावर शासनाच्या वतीने छत्रपती शिवरायांना अभिवादन 
