कौतुकास्पद.! तिकीटाचे ७ रुपये नसतानाही त्यांनी परत केले 40 हजार

माण तालुक्यातील पिंगळी बुद्रुक येथे धनाजी यशवंत जगदाळे (वय 54) राहतात. त्यांची परिस्थिती अतिशय साधारण आहे. ते तालुक्यातील दहिवडी येथील आठवडा बाजारात भाजीपाला आणण्यासाठी गेले होते. मात्र, भाजीपाला घेतल्यानंतर त्यांचे पैसे संपल्यामुळे घरी जाण्यासाठी पैसे उरले नाहीत. पिंगळी ते दहिवडी अंतर 6 किमी आहे. एसटी बसचे 7 रुपये तिकीट आहे. मात्र, जवळ पैसे उरले नसल्याने धनाजी दहिवडी एसटी बसस्थानकातच झोपले.

सातारा - आजच्या काळात प्रामाणिकपणा खूप कमी प्रमाणात पाहायला मिळतो. मात्र, जिल्ह्यातील एका व्यक्तीने जवळ प्रवासाच्या तिकीटासाठी पैसे नसतानाही सापडलेले तब्बल ४० हजार रुपये परत केल्याचा दुर्मिळ प्रकार समोर आला आहे. धनाजी असे या व्यक्तीचे नाव आहे. त्यांनी दाखवलेल्या प्रामाणिकपणामुळे माजी खासदार उदयनराजे भोसले, आमदार शिवेंद्रराजे भोसले यांच्या पत्नी यांनी त्यांचा सत्कार केला.

माण तालुक्यातील पिंगळी बुद्रुक येथे धनाजी यशवंत जगदाळे (वय 54) राहतात. त्यांची परिस्थिती अतिशय साधारण आहे. ते दहिवडी येथील आठवडा बाजारात भाजीपाला आणण्यासाठी गेले होते. मात्र, भाजीपाला घेतल्यानंतर त्यांचे पैसे संपल्यामुळे घरी जाण्यासाठी पैसे उरले नाहीत. पिंगळी ते दहिवडी अंतर 6 किमी आहे. एसटी बसचे 7 रुपये तिकीट आहे. मात्र, जवळ पैसे उरले नसल्याने धनाजी दहिवडी एसटी बसस्थानकातच झोपले.

हेही वाचा - दिंडोरी तालुक्यातील आत्महत्या केलेल्या शेतकऱ्याच्या कुटूबांला आठवलेंकडून एक लाखाची मदत

रात्री झोपेत त्यांना जाग आली असता, त्यांच्या पायाजवळ तब्बल 40 हजार रुपयांचे बंडल आढळले. यानंतर त्यांनी मोठ्याने कुणाचे पैसे पडलेत का? असे विचारले. यानंतर टॉयलेटला गेलेली एक व्यक्ती आली आणि हे पैसे माझे आहेत. पत्नीच्या शस्त्रक्रियेसाठी घेऊन चाललो असल्याचेही त्या व्यक्तीने सांगितले. धनाजी यांना खात्री पटल्यावर त्यांनी ते पैसे त्या व्यक्तीला परत केले. धनाजी यांनी प्रामाणिकपणा दाखविला म्हणून त्या व्यक्तीने धनाजी यांना 1 हजार देऊ केले. मात्र, धनाजी यांनी नम्रपणे त्यांना नकार दिला आणि पिंगळीला घरी परत जाण्यासाठी फक्त 7 रुपये तिकिटाचे पैसे मागून घेतले.

हेही वाचा - ..तरचं ज्वालाग्रही पदार्थ वाहतूक करणाऱ्या जहाजांना परवानगी द्या - मायकल लोबो

प्रामाणिकपणाच्या या दर्शनानंतर दहिवडीचे आगारप्रमुख मोनाली पाटील, वाहतूक नियंत्रक सतीश सावंत, शैलेश देशमाने, या अधिकाऱ्यांनी धनाजी यांचे कौतुक केले. तसेच पिंगळी येथील श्रीकांत जगदाळे यांनी धनाजी यांना पेहराव दिला आणि त्यांचा सत्कार केला. यानंतर मागील आठवड्य़ात शुक्रवारी जिल्हा पोलीस अधीक्षक तेजस्वी सातपुते यांनी देखील साताऱ्यात त्यांचा सत्कार केला. त्यांनी दाखवलेल्या या प्रामाणिकपणाबद्दल माजी खासदार उदयनराजे भोसले, आमदार शिवेंद्रराजे भोसले यांच्या पत्नी यांनी देखील धनाजी यांचा सत्कार केला. तसेच अनेक आमदार तसेच उद्योजक देखील भेटायला येत आहेत. त्यांना आर्थिक मदत देत आहेत. मात्र, त्यांनी नम्रपणे सर्वांना नकार दिला आहे.

धनाजी जगदाळे यांची आर्थिक परिस्थिती कशी?

धनाजी जगदाळे गावातील प्रामाणिक व्यक्तिमत्त्व आहे. ते एकटेच राहतात. उदरनिर्वाह गावातील लोकांच्या मदतीने होतो. तसेच गावातील आनंद जगदाळे मंडप स्पिकर कंत्राटदार यांच्याकडे काम करतात. तिथेच त्यांची भोजनाची व्यवस्था केली जाते. तसेच ते शेतीतही काम करतात.

'अमेरिके'हून ही जाहीर मदत -

पिंगळी येथील रहिवासी प्राध्यापक राजेंद्र जगदाळे यांनी धनाजी यांच्या प्रामाणिकपणाबद्दल फेसबुकवर एक पोस्ट शेअर केली होती. त्यांची पोस्ट पाहिल्यानंतर अमेरिकेतील एका कंपनीत कार्यरत असलेले राहुल बरगे यांनीदेखील धनाजी यांना मदत जाहीर केली. मात्र, ती रक्कमसुद्धा ते स्वीकारणार नसल्याचे प्राध्यापक जगदाळे यांनी सांगितले.