दोन निवडणुकांच्या मतदानामुळे कराडमध्ये रात्री आठपर्यंत सुरू होते मतदान

कराडमध्ये सायंकाळी ६ वाजेपर्यंत जे मतदार मतदान केंद्रांवर पोहोचले, त्या सर्वांचे मतदान घेण्यात आले. मात्र, दोन निवडणुकांसाठी एकत्र मतदान करायचे असल्यामुळे मतदान प्रक्रियेस उशीर होत होता. मतदानाच्या शेवटच्या टप्प्यामध्ये मतदारांची गर्दी राहिल्याने, अनेक गावांमध्ये रात्री आठ वाजेपर्यंत मतदान सुरू होते. साताऱ्यात विधानसभा निवडणुकीसाठी सुमारे ६६ टक्के, तर लोकसभा पोटनिवडणुकीसाठी सुमारे ६४ टक्के मतदान झाले.

सातारा - विधानसभा निवडणुकांसाठी सोमवारी राज्यभरात मतदान पार पडले. साताऱ्यामध्ये विधानसभा निवडणुकीसाठी तर, लोकसभा पोटनिवडणुकीसाठी मतदान पार पडले. या दोन्ही निवडणुकांसाठी मतदान करायचे असल्यामुळे मतदानाची वेळ निघून गेल्यावरही मतदान प्रक्रिया सुरू ठेवण्यात आली होती. कराडमध्ये रात्री आठ वाजेपर्यंत मतदान सुरू होते.

कराडमध्ये सायंकाळी सहा वाजेपर्यंत जे मतदार मतदान केंद्रांवर पोहोचले, त्या सर्वांचे मतदान घेण्यात आले. मात्र, दोन निवडणुकांसाठी एकत्र मतदान करायचे असल्यामुळे मतदान प्रक्रियेस उशीर होत होता. मतदानाच्या शेवटच्या टप्प्यामध्ये मतदारांची गर्दी राहिल्याने, अनेक गावांमध्ये रात्री आठ वाजेपर्यंत मतदान सुरु होते. साताऱ्यात विधानसभा निवडणुकीसाठी सुमारे ६६ टक्के, तर लोकसभा पोटनिवडणुकीसाठी सुमारे ६४ टक्के मतदान झाले.

शिंगणवाडी गावात १०७ वर्षांच्या आजीबाईंनी बजावला मतदानाचा हक्क!

कराड उत्तर विधानसभा मतदारसंघात बनवडी गावातील एका मतदान केंद्रावर मतदान यंत्रांची जोडणी करण्यास उशीर झाला. त्यामुळे मतदान प्रक्रिया एक तास उशीरा सुरु झाली. एकूणच मतदानास होणाऱ्या विलंबामुळे ठिकठिकाणी वयोवृद्ध व्यक्तींना तसेच दिव्यांगांना ताटकळत थांबावे लागले. शिंगणवाडी गावातील मतदान केंद्रावर १०७ वर्षांच्या खाशीबाई बळवंत शिंगण या आजीबाईंनी या परिस्थितीतही मतदानाचा हक्क बजावला.

हेही वाचा : राज्यात शांततेत आणि सुरळीत पार पडली विधानसभा निवडणूक, सरासरी 60 टक्के मतदानाची नोंद..