सातारा - महाराष्ट्रातील आजच्या राजकिय परिस्थितीबाबत ( Political Crisis In Maharashtra ) आश्चर्य वाटण्याचे कारण नाही. कारण गेल्या दोन वर्षांपासून ही खदखद सुरू होती, अशी प्रतिक्रिया खासदार उदयनराजे भोसले यांनी दिली आहे. सत्तेसाठी एकत्र येणारे भिन्न विचारांचे लोक फार काळ एकत्र राहू शकत नाहीत, असा उपरोधिक टोला खासदार उदयनराजे भोसले यांनी मारला आहे. महाराष्ट्रातील आजच्या राजकिय परिस्थितीबाबत आश्चर्य वाटण्याचे कारण नाही. कारण गेल्या दोन वर्षांपासून ही खदखद सुरू होती, असेही त्यांनी म्हटले आहे.
भिन्न विचारांच्या लोकांना एकत्र ठेवणे ही तारेवरची कसरत - केवळ सत्तेसाठी एकत्र आलेल्या भिन्न विचारांच्या लोकांना एकत्र ठेवणे ही तारेवरची कसरत असते. परंतु,, असे लोक फार काळ एकत्र राहात नाहीत. सध्याची परिस्थिती हे त्याचे उदाहरण आहे, अशा शब्दांत खासदार उदयनराजेंनी राज्यातील सद्यस्थितीवर आपले मत व्यक्त केले.
ही खदखद दोन वर्षांपासूनची - महाराष्ट्रातील आजच्या राजकिय परिस्थितीबद्दल आश्चर्य वाटण्याचे काहीही कारण नाही. मोठा धक्का वगैरे काही नाही. कारण, गेली दोन वर्षापासून ही खदखद होती. ज्यावेळी एका ध्येयाने विचाराने प्रेरित होऊन लोक एकत्र येतात, त्यावेळी त्यांना एकत्र ठेवण्यासाठी कोणत्याही अमिषांची गरज भासत नाही. मात्र, सत्ता स्थापन करणे, हेच उद्दीष्ट असते, त्या लोकांना एकत्र ठेवण्यासाठी कसरत करावी लागते. अमिष दाखवावे लागते. सत्तेच्या उद्देशाने एकत्र येऊन बनवलेले सरकार किती दिवस टिकणार, असे लोक बोलून दाखवत होते, असे उदयनराजे म्हणाले.
