सातारा - अज्ञात वाहनाच्या धडकेत बिबट्याचा जागीच मृत्यू झाल्याची घटना पाटण तालुक्यातील तळमावले-काळगाव मार्गावर घडली. सोमवारी पहाटेच्या सुमारास ही घटना घडली. वनविभागाकडून संबंधित वाहनधारक कोण आहे, याचा शोध सुरू आहे.
पाटण तालुक्यातील ढेबेवाडी विभाग हा डोंगराळ व दुर्गम असा विभाग आहे. याठिकाणी जंगलाचे मोठे क्षेत्र असल्याने या परिसरात वन्यप्राण्यांचा सर्रास वावर असतो. या विभागात बिबट्यांची संख्याही मोठी आहे. त्यामुळे या भागात बिबट्याकडून पाळिव जनावरांवर हल्ले होण्याचे प्रमाण वाढले आहे. बिबट्याला धडक देणाऱ्या वाहनाचा वनविभागाकडून शोध सुरू असल्याचे सांगितले जात आहे.
