सातारा - कराडचे पोलीस अधिक्षक सूरज गुरव यांनी विद्यानगरमधील कॉलेज परिसरात रोडरोमिओसह, फॅन्सी नंबर प्लेट, ट्रिपल सीट, विना लायन्सस, मद्य प्राशन करून गाडी चालविणार्‍यांसह मॉडीफाय केलेल्या बुलेट, अशा 80 गाड्यांवर कारवाई केली. या कारवाईत 35 हजार रूपयांचा दंड वसूल करण्यात आला. या कारवाईत शहर वाहतूक शाखेचे सहाय्यक पोलीस निरीक्षक सतीश पवार, वाहतूक शाखेचे कर्मचारी, निभर्या पथक आणि स्थानिक गुन्हे प्रकटीकरण शाखेतील कर्मचार्‍यांचा सहभाग होता.
हेही वाचा - कसा का होईना पण मी चारवेळा उपमुख्यमंत्री - अजित पवार
चार महाविद्यालये, एक फार्मसी, एक इंजिनिअरिंग महाविद्यालय आणि आयटीआयसह शाळा असलेल्या कराडच्या विद्यानगर परिसरात कराडचे पोलीस अधिक्षक सूरज गुरव यांनी वाहतूक, गुन्हे प्रकटीकरण शाखा आणि निर्भया पथकाच्या मदतीने कारवाईची मोहिम राबवून रोडरोमिओंसह, फॅन्सी नंबर प्लेट, दारू पिऊन तसेच विना परवाना गाडी चालविणे, सायलेंसरमध्ये बदल केलेल्या बुलेट गाड्याना दंड करण्यात आला.
हेही वाचा - 'असे' आहे साईबाबांचे पाथरीतील जन्मस्थळ; जातं, उखळ अन् बरंच काही...
गाड्यांच्या मुळच्या ढाच्यात बदल करून चित्रविचित्र डिझाईन आणि हॅण्डलमध्ये बदल, पेट्रोल टाक्या, दिवे, कर्कश हॉर्न, सायलेंसरमध्ये बदल केलेल्या गाड्यांवर ही कारवाई करण्यात आली आहे. याशिवाय फॅन्सी नंबर प्लेट, रोडरोमिओ, ट्रिपल सीट आणि विना लायसन्स गाडी चालविणार्‍यांवरही कारवाई करण्यात आली. कराड शहर वाहतूक नियंत्रण शाखेचे सहाय्यक पोलीस निरीक्षक सतीश पवार, हवालदार पाटणकर, सुरेश सावंत, सपना साळुंखे, नीतेश भोसले, विजय पवार, कॉन्स्टेबल मोरे, कुर्‍हाडे, गुन्हे प्रकटीकरण शाखा, निर्भया पथकाच्या कर्मचार्‍यांचा या कारवाईमध्ये सहभाग होता. दुचाकीधारकांनी गाड्यांच्या मूळ रचनेत कोणत्याही प्रकारचे फेरबदल केले असल्यास त्यांच्यावर कारवाई केली जाईल, असा इशारा पोलिसांनी दिला आहे.
हेही वाचा - बेळगाव : महाराष्ट्रात कन्नड संस्कृती जपण्याचा प्रयत्न - राऊत
