सातारा - सातारा हा राष्ट्रवादी काँग्रेसचा बालेकिल्ला म्हणून ओळख जातो. कारण २०१४ च्या मोदी लाटेतही राष्ट्रवादीचे उदयनराजे भोसले येथे मोठ्या फरकाने निवडून आले होते. त्यामुळे यंदा राष्ट्रवादीचे विद्यमान खासदार उदयनराजे भोसले हे विजयाची हॅट्रीक मारणार? की शिवसेना-भाजपचा अनपेक्षित विजय मिळवणार? याबद्दल लोक अंदाज लावत आहे, असे असले तरी असले तरी जिंकणार कोण हे गुरुवारीच स्पष्ट होणार आहे.
सातारा लोकसभा मतदार संघात राष्ट्रवादी काँग्रेस आघाडीकडून खासदार उदयनराजे भोसले विरुद्ध शिवसेना भाजपचे नरेंद्र पाटील अशी लढत झाली. आता निवडणुकीचा निकाल येत्या गुरुवारी 23 मे रोजी जाहीर होणार आहे. या निकालाबाबत संपूर्ण जिल्ह्यात दोन्ही बाजूंकडून अनेक तर्कवितर्क आणि आकडेमोड जोडली जात आहे. त्यामुळे राष्ट्रवादीच्या बालेकिल्ल्यात उदयनराजे भोसले यांना मताधिक्याची चिंता लागली आहे. तर भाजप-शिवसेनेला नरेंद्र पाटील यांच्या अनपेक्षित विजयाची चाहूल लागली आहे.
सातारा हा राष्ट्रवादीचा बालेकिल्ला असून सातारा मतदारसंघात त्यांचे ४ आमदार आहेत. उर्वरित एक काँग्रेस व शिवसेनेचा एक आमदार आहे. उदयनराजेंनी या ठिकाणी पहिल्यापासून प्रचारात आघाडी घेतली होती. तर दुसरीकडे भाजप-शिवसेनेने स्वतंत्र यंत्रणा राबवून नरेंद्र पाटील यांचा प्रचार केला होता. येथे भाजपने आपली खेड्यापाड्यात ताकद वाढवली आहे. त्यामुळे उदयनराजे भोसले यांच्या मताधिक्यावर काय परिणाम होणार? ते येणारा काळच ठरवेल.
मागील 2 लोकसभा निवडणुकीत खासदार उदयनराजे भोसले यांनी 3 ते साडेतीन लाखाने लिड घेतला होता. तर 2014 ला येथील सर्व प्रतिस्पर्धी उमेदवारांचे डिपॉझिट जप्त झाले होते. तर भाजपला मोदी लाटेतही डिपॉझिट वाचवता आले नव्हते.
