सांगली - शहर परिसरामध्ये अवकाळी पावसाने जोरदार हजेरी लावली आहे. अचानक झालेल्या जोरदार पावसामुळे शहरातील जनजीवन विस्कळीत झाले. उकाड्याने हैराण झालेल्या सांगलीकरांना काहीसा दिलासा मिळाला असला तरी द्राक्ष आणि इतर पिकांना या अवकाळीचा फटका बसला आहे.
जिल्ह्यात रविवारी सायंकाळी अवकाळी पावसाने जोरदार हजेरी लावली. जिल्ह्याच्या अनेक भागात रिमझिम स्वरूपात तर काही ठिकाणी जोरदार पाऊस पडला आहे. या अवकाळी पावसामुळे द्राक्ष बागा,आंबा तसेच इतर पिकांना फटका बसला आहे. तर सांगली शहरात या अवकाळी पावसामुळे जनजीवनावर परिणाम झाला.
हेही वाचा - कोल्हापुरातील गडहिंग्लज, आजरा भागात पावसाची हजेरी
अचानक पडलेल्या या पावसामुळे शहरातील अनेक ठिकाणी नागरिकांची दैना उडाली. या पावसानंतर हवेत मोठ्या प्रमाणात गारवा निर्माण झाल्याने उकाड्यापासून हैराण झालेल्या सांगलीकरांना दिलासा मिळाला.
हेही वाचा - घरच्या जेवणास मज्जाव केल्याने कैद्याने घेतला पोलिसाच्या करंगळीचा चावा
