सांगली - अवकाळी पावसाने आज सांगली जिल्ह्यात हजेरी लावली. जिल्ह्याच्या अनेक भागात वादळी वाऱ्यासह रिमझिम पाऊस बरसला. दुपारनंतर अचानक वातावरणात बदल झाल्याने संपूर्ण जिल्हा गारेगार बनला.
अवकाळी पाऊस
उकाड्याने हैराण झालेल्या नागरिकांना अवकाळी पावसाने दिलासा दिला आहे. सांगलीसह जिल्ह्यात दुपारनंतर अचानक वातावरणात बदल झाला. ढगाळ वातावरण निर्माण झाल्यानंतर काही वेळातच काही ठिकाणी रिमझिम तर काही ठिकाणी जोरदार पावसाने हजोरी लावली.
जिल्ह्यातील तासगाव, मिरज या भागात अवकाळी पावसाने जोरदार हजेरी लावली. सांगली शहरात ऊन-पावसाचा खेळ पाहायला मिळाला. अचानक पडलेल्या या अवकाळी पावसामुळे उकाड्याने हैराण झालेल्या सांगलीकरांना थोडाफार दिलासा मिळाला आहे.
