सांगली - वाळवा तालुक्यातील येलूर येथे एकाचा तलावात बुडून मृत्यू झाला आहे. भगवान आत्माराम आडके (48) असे मृत व्यक्तीचे नाव आहे. या प्रकरणी पोलिसांनी आकस्मिक मृत्यूची नोंद केली आहे.
हेही वाचा... VIDEO : भररस्त्यात महिलेला मारहाण; घटना सीसीटीव्हीत कैद
भगवान आत्माराम आडके (48 रा. येलूर ता. वाळवा) यांचा गावातील तलावात बुडून मृत्यू झाला आहे. याबाबत अक्षय आडके याने कुरळप पोलिसांत माहिती दिली. त्यानंतर पोलिसांनी आकस्मिक मृत्यूची नोंद केली आहे. या प्रकरणी पोलिसांनी दिलेल्या माहितीनुसार, भगवान आडके यांना दारूचे व्यसन होते. त्यामुळे दारूच्या नशेत ते घराबाहेर फिरत असत. शुक्रवारी (दि. 7 फेब्रुवारी) रोजी भगवान आडके सायंकाळी 5 वाजता घरातून बाहेर पडले होते. ते दुसऱ्या दिवशी सकाळपर्यंत घरी आले नाही. त्यामुळे त्यांचा शोध घेतला असता शनिवारी दुपारी त्यांचा मृतदेह गावातील तलावात तरंगत असल्याचा दिसून आला. या प्रकरणी कुरळप पोलीस अधिक तपास करत आहेत.
हेही वाचा... प्रसिद्ध चितळे उद्योग समूहाचे संचालक काकासाहेब चितळे यांचे निधन
