सांगली - बाप-लेकांच्या भांडणात एका म्हशीला आपल्या प्राणाला मुकावे लागले आहे. वडिलांच्या सोबत झालेल्या भांडणाच्या रागातून मुलाने म्हशीच्या डोक्यात लोढणे घातल्याने म्हैस ठार झाली आहे. वाळवा तालुक्यातील किल्लेमच्छिंद्रगड मध्ये हा प्रकार घडला असून याप्रकरणी इस्लामपूर पोलीस ठाण्यात गुन्हा दाखल झाला आहे.
बाप लेकांचे भांडण म्हशीच्या जीवावर...
वाळवा तालुक्यातील किल्लेमच्छिंद्रगड येथे राहणाऱ्या झाकीर आगा आणि त्यांचा मुलगा सद्दाम झाकीर आगा यांच्यात किरकोळ कारणातून वाद झाला. यातून संतप्त झालेल्या झाकीर यांनी त्यांच्या घरा शेजारी वडिलांच्या मालकीच्या शेडमध्ये जाऊन त्याठिकाणी असणारी पंढरपूर जातीच्या गाभण म्हशीच्या डोक्यात लोढण्याने जोरदार घाव घातला. वर्मी घाव बसल्याने म्हशीचा जागीच मृत्यू झाला आहे. यानंतर झाकीर आगा यांनी म्हशीच्या मृत्यू आणि शिवीगाळ प्रकरणी त्यांचा मुलगा सद्दाम याच्या विरोधात इस्लामपूर पोलीस स्टेशनमध्ये तक्रार दिली. याप्रकरणी पोलिसांनी सद्दाम विरोधात गुन्हा दाखल केला आहे.
हेही वाचा - चिखलीच्या पेठमध्ये लक्झरी बसची रिक्षाला धडक; घटना सीसीटीव्हीमध्ये कैद
