सांगली- खानापूर विधानसभा मतदारसंघासाठी एकूण ३४४ मतदान केंद्रावर उद्या(सोमवारी) मतदान प्रक्रिया पार पडणार आहे. या मतदरासंघात एकूण ३४ मतदान केंद्रावर वेबकास्टींग करण्यात येणार आहे. या ३४ मतदान केंद्रावर सीसीटीव्ही बसविण्यात आले आहेत.
गार्डी व पडळकरवाडी या गावातील दोन मतदान केंद्र अतिसंवेदनशील मतदान केंद्रे आहेत. त्या ठिकाणी सुक्ष्म निरीक्षक (मायक्रो ऑबझर्व्हर) नेमण्यात आले आहेत. या मतदान प्रक्रियेसाठी प्रशासन यंत्रणा सज्ज असून ३४ मतदान केंद्रावर सीसीटीव्ही बसविण्यात आले आहेत, अशी माहिती खानापूर विधानसभा मतदारसंघाचे निवडणूक निर्णय अधिकारी तथा प्रांताधिकारी शंकर बर्गे यांनी दिली आहे.
खानापूर विधानसभा मतदारसंघामध्ये १ लाख ६६ हजार ६७६ पुरूष मतदार, १ लाख ५५ हजार ६५९ स्त्री मतदार आहेत. तर ८ तृतीयपंथीय मिळून असे एकूण ३ लाख २२ हजार ३४३ इतके मतदार आहेत. मतदान केंद्रावरील कर्मचार्‍यांना जुने शासकीय धान्य गोदाम येथून मतदान साहित्याचे वाटप करण्यात आले आहे. मतदान केंद्रावरील साहित्य घेऊन केंद्रावरील कर्मचारी रवाना झाले आहेत. मतदान केंद्रावरील कर्मचाऱ्यांना ने-आण करण्यासाठी ५५ एसटी बसची व ११ जीपची व्यवस्था करण्यात आली आहे.
३४४ मतदान केंद्रावर राखीवसह एकूण २ हजार १०७ कर्मचार्‍यांची नियुक्ती प्रशासनाकडून करण्यात आली आहे. तसेच कायदा व सुव्यवस्थेच्या दृष्टीने एकूण १२ पोलीस शेलटर तयार करण्यात आले आहेत. उपविभागीय पोलीस अधिकारी १, पोलीस निरीक्षक ३, पोलीस उपनिरीक्षक १३, पोलीस कर्मचारी २८६, होमगार्ड १९३, आरसीपी पथक, व सीआयएसएफची १ कंपनी असा चोख पोलीस बंदोबस्त तैनात करण्यात आला आहे.
विटा येथील मतदान केंद्र क्र. ६३ महात्मा गांधी विद्यालय या ठिकाणी महिला मतदान केंद्र (पिंक पोलिंग स्टेशन) उभारण्यात येणार आहे. या मतदान केंद्रावर मतदान केंद्राध्यक्षासह सर्व महिला कर्मचारी कामकाज करणार आहेत. तसेच विटा येथील तलाठी कार्यालयातील मतदान केंद्र क्र. ७३ मध्ये आदर्श मतदान केंद्र उभारण्यात येणार आहे.
विधानसभा मतदारसंघासाठी ३४ क्षेत्रीय अधिकारी यांची नियुक्ती करण्यात आली आहे. त्यांना १० ते ११ मतदान केंद्राची जबाबदारी देण्यात आली आहे. विधानसभा मतदारसंघासाठी ३४ मतदान केंद्रावर वेबकास्टींग करण्यात येणार आहे. त्या ३४ मतदान केंद्रावर सीसीटीव्ही बसविण्यात आलेले आहेत. गार्डी व पडळकरवाडी या गावातील दोन मतदान केंद्र अतिसंवेदनशील मतदान केंद्रे आहेत. त्याठिकाणी सुक्ष्म निरीक्षक (मायक्रो ऑबझर्व्हर) नेमण्यात आले आहेत.
हेही वाचा- धनंजय मुंडेंचे वक्तव्य ही राष्ट्रवादीची विचारसरणी; सदाभाऊ खोतांची टीका
सर्व ३४४ मतदान केंद्रावर मतदान केंद्रावरील कर्मचार्‍यांना वैद्यकीय किट देण्यात येणार आहेत. तसेच मतदारसंघामध्ये एकूण २ हजार ६८२ दिव्यांग मतदार आहेत. त्यापैकी १५७३ अस्थिव्यंग मतदारांना मतदान केंद्रावर ने-आण करण्यासाठी १३५ जीप, ९७ वाहने, २०५ व्हिलचेअर उपलब्ध करून दिल्या आहेत. तसेच दिव्यांग मतदारांच्या मदतीसाठी प्रत्येक मतदान केंद्रावर २ एनएसएसच्या विद्यार्थ्यांची स्वयंसेवक म्हणून नेमणूक करण्यात आली आहे.
हेही वाचा- मैदान मारणार म्हणजे मारणारच - सदाशिव पाटील
मतदारांना मतदान केंद्रस्तरीय अधिकारी (बीएलओ) यांचे मार्फत मतदार चिट्ठी (व्होटरस्लीप) चे वाटप प्रशासनाकडून करण्यात आले आहे. ज्या मतदारांना मतदार चिट्ठी मिळालेली नसेल त्यांना मतदान केंद्रावर मतदानाच्या दिवशी मतदान केंद्रस्तरीय अधिकारी (बीएलओ) यांच्यामार्फत मतदार चिट्ठी (व्होटरस्लीप) प्रशासनाकडून देण्याची व्यवस्था करण्यात आलेली आहे.
हेही वाचा- जाहीर प्रचाराचा झंझावात संपला; दिग्गज नेत्यांच्या सभांनी गाजला प्रचार
