तिवरे धरण दुर्घटना : आणखी एक मृतदेह सापडला; मृतांची संख्या 20 वर, दीड वर्षांची दुर्वा अद्याप बेपत्ता

तिवरे धरण दुर्घटनेतील बेपत्ता असलेल्यांपैकी आणखी एक मृतदेह सापडला असून, मृतांची संख्या 20 वर गेली आहे. 2 जण अजूनही बेपत्ता असून त्यांचा शोध सुरू आहे.

रत्नागिरी - जिल्ह्यातील तिवरे धरण दुर्घटनेतील बेपत्ता असलेल्यांपैकी आणखी एक मृतदेह सापडला आहे. मंगळवार 2 जुलैला ही दुर्घटना घडली होती. एनडीआरएफ व गावकऱ्यांच्या मदतीने बेपत्ता असलेल्यांचा शोध घेतला जात आहे.

तिवरे धरण दुर्घटनेतील मृतांचा आकडा 20 वर गेला असून अजून दोन जण बेपत्ता आहेत. बेपत्ता मध्ये दीड वर्षांच्या 'दुर्वा रणजीत चव्हाण' हिचाही समावेश आहे. एनडीआरएफच्या शोधकार्याचा आजचा सहावा दिवस आहे.