रत्नागिरी - गणपतीपुळे मार्गावरील आरे वारे येथे कारने अचानक पेट घेतला. सुदैवाने यामध्ये कोणतीही जीवितहानी झाली नाही मात्र, कार या आगीत जळून खाक झाली आहे.
बर्निंग कारचा थरार
सोमवारी रात्री गणपतीपुळेहून रत्नागिरीच्या दिशेने एक मारुती झेन कार येत होती. या कारने आरेवारे येथील चढावात अचानक पेट घेतला. त्यावेळी या गाडीत २ लहान मुलांसह एकूण ६ माणसं होती. मात्र, गाडीच्या चालकाने प्रसंगावधान दाखवत गाडीतील सर्व माणसांना सुखरुप बाहेर काढले. सुदैवाने जीवितहानी टळली, तर कार या आगीत जळून भस्मसात झाली आहे.
हेही वाचा - रत्नागिरी नगराध्यक्ष पोटनिवडणूक; अपक्ष उमेदवार मुकुंद जोशींचा अर्ज मागे
हेही वाचा - रत्नागिरी: थिबा पॅलेसजवळील बंगल्यात साडे दहा लाखांची चोरी
