रायगड - जिल्ह्यात आज लग्नाचा मुहूर्त असल्याने लग्नघरी धावपळ सुरू होती. तसेच आज मतदानाचा दिवस असल्याने आपल्या मतदानाचा हक्क बजावण्यासाठी वधु-वरही आघडीवर होते. अलिबाग तालुक्यातील वायशेत येथील रुपेश पाटील या नवरदेवाने बोहल्यावर चढण्यापूर्वी करवल्यांसह मतदान केंद्र गाठले व मतदानाचा हक्क बजावला.
रुपेश पाटील (नवरदेव)
आज (२३ एप्रिल) रायगड लोकसभेसाठी मतदान पार पडले. त्यातच आज व उद्या लग्नाचा मुहूर्त असल्याने जिल्ह्यात लग्नाचीही धामधूम सुरू आहे. असे असूनही बोहल्यावर चढणापूर्वी वधु-वरांनी मतदान केंद्रात जाऊन आपला मतदानाचा हक्क बजावला आहे.
