रायगड - सकाळी 7 च्या दरम्यान मुंबई-पुणे एक्सप्रेस-वे वर कंटेनर आणि नारळ वाहून नेणाऱ्या ट्रकमधे भीषण अपघात झाल आहे. यात ट्रकचालकासह दोन जण जागीच ठार झाले असून एकाचा उपचारादरम्याम मृत्यु झाला आहे. घटनेची माहिती मिळताच वाहतूक पोलीस, एक्सप्रेस-वे देवदूत यंत्रणा व स्थानिकांनी घटनास्थळी धाव घेत अपघातग्रस्तांना बाहेर काढले.
हेही वाचा - पुणे रेल्वे स्थानकावरून 22 लाख रुपये किमतीचे चरस जप्त; एकाला अटक
मुंबईच्या दिशेने निघालेला नारळाचा ट्रक तीव्र उतारावरून लोखंडी कॉइल घेऊन जात असलेल्या ट्रकला मागून धडकला. यात पुढील ट्रकचा अगदी चेंदा-मेंदा झाला आहे. अपघातानतंर नारळाचा ट्रक 50 मीटर खोल खड्ड्यात कोसळला. त्यातील सर्व नारळ रस्त्यावर पसरले होते. अपघाताची माहिती मिळताच वाहतूक व खोपोली पोलीस घटनास्थळी दाखल झाले होते.
