रायगड - सर्वसामान्य नागरिकाला केंद्रबिंदू मानून भाजप सरकारने काम केले. ते पाहता यंदाच्या विधानसभा निवडणुकीत भाजप, शिवसेना, आरपीआय (आठवले गट) व मित्रपक्षांची महायुती महाराष्ट्रात 288 पैकी किमान 230 जागा जिंकेल, असा विश्वास माजी खासदार व भाजप नेते किरीट सोमैया यांनी व्यक्त केला. पनवेलमध्ये आयोजित पत्रकार परिषदेत ते बोलत होते.
पनवेल विधानसभा मतदारसंघात केलेले कार्य पाहता या निवडणुकीत आमदार प्रशांत ठाकूर हे ऐतिहासिक व सर्वात मोठा विजय मिळवतील, असेही त्यांनी आवर्जून नमूद केले. पनवेल विधानसभा मतदारसंघातून भाजपचे विद्यमान आमदार प्रशांत ठाकूर आणि महाआघाडीकडून शेकापचे हरेश केणी यांच्यात मुख्य लढत आहे. प्रशांत ठाकूर यांच्या प्रचारासाठी मागील काही दिवसांपासून भाजप नेते किरीट सोमैया हे पनवेलकरांशी संवाद साधताना दिसून येत आहेत.
हेही वाचा - पवारसाहेबांचे सर्व दात पडले असून; आता फक्त सुळेच शिल्लक, गीतेंची बोचरी टीका
