रायगड - पेण एसटी स्टँडमध्ये एसटी बसच्या खाली येऊन प्रवासी ठार झाल्याची घटना आज (शनिवारी) सकाळी घडली. आत्माराम ठाकूर (रा.ओढंगी, ता.पेण) असे मृत व्यक्तीचे नाव आहे.
हेही वाचा - जालन्यात ३८ लाख रुपयांचा बेकायदेशीर गुटखा जप्त
पेण एसटी आगारातून सकाळी पावणे सात वाजता (एमएच 20/बीएल 2760) स्टँडवर एसटी लावत असताना आत्माराम ठाकूर हा प्रवासी एसटीच्या चाकाखाली येऊन अपघात झाला. या अपघातात ठाकूर हे जागीच ठार झाले आहेत. या अपघातानंतर काही काळ एसटी वाहतूक बंद झाली होती. अपघाताबाबत पेण पोलीस ठाण्यात अपघाताची नोंद झाली आहे. पेण एसटी स्टँडमध्ये एसटी बस खाली प्रवाशी येऊन अपघाताच्या घटना अनेकवेळा घडत आहेत. त्यामुळे पेण एसटी स्टँड मध्ये प्रवाशांची सुरक्षा धोक्यात आली आहे.
