रायगड - रायगड जिल्ह्यातील पोलादपूरमध्ये अल्पवयीन शाळकरी मुलीवर चाकुने हल्ला केल्याची खळबळजनक घटना घडली. शुभम वनारसे(रा. कातळी, खडकवणे दत्तवाडी ता. पोलादपूर) असे हल्ला केलेल्या आरोपीचे नाव आहे.
पोलादपूरमध्ये अल्पवयीन शाळकरी मुलीवर भर दिवसा चाकूने हल्ला; हल्लेखोर फरार आरोपीने मुलीच्या हात, चेहरा आणि पाठीवर वार केल्याने ती गंभीर जखमी झाली आहे. पोलिसांनी तिला महाडमधील ट्रॉमा केअर सेंटरमध्ये दाखल केले आहे. हल्लेखोर शुभम हा फरार असून पोलीस त्याचा शोध घेत आहे.हा हल्ला होण्यामागच्या कारणांचा शोध पोलादपूर पोलीस घेत आहेत. अल्पवयीन मुलगी ही शाळेतून येत असताना पोलादपूरमधील समर्थनगर येथे तिच्यावर हल्ला झाला.पोलादपूर पोलिसांना घटनेची माहिती मिळताच त्यांनी गंभीर जखमी झालेल्या मुलीला पोलादपूरमधील रुग्णालयात दाखल केले. मात्र, मुलीची अवस्था खूपच गंभीर असल्याने मुलीला तातडीने महाड येथे ट्रॉमा केअर सेंटरमध्ये पाठण्यात आले.आरोपी शुभम हा पाण्याच्या कॅनचा पुरवठा करत असल्याची माहिती मिळत आहे.
