पुणे - सावित्रीबाई फुले पुणे विद्यापीठातील निकालाबाबत अजूनही अनेक विद्यार्थ्यांचे प्रश्न सुटले नाहीत. वारंवार पाठपुरावा करूनही विद्यापीठ प्रशासन रीतसर जबाबदारी झटकत आहे. अनेक विद्यार्थ्यांना पुढील प्रवेश घेण्यात अडचणी येत आहे. त्याविरोधात आज सावित्रीबाई फुले पुणे विद्यापीठाच्या मुख्य इमारतीबाहेर युवक क्रांती दलाच्या वतीने आंदोलन करण्यात आले आहे.
हेही वाचा - पुण्याच्या चार वर्षीय रुद्राणीने भैरवगड केला सर; हिरकणी म्हणून मिळाली नवी ओळख
विद्यापीठ चूक मान्य करत नाही
सावित्रीबाई फुले पुणे विद्यापीठाकडून ऑनलाईन जी परीक्षा घेण्यात आली होती, त्या परीक्षेच्या निकालात झालेला घोळ अजूनही थांबत नाहीये. अनेक विद्यार्थ्यांना सर्व विषयात शून्य गुण देण्यात आले आहेत. तर, काहींना गैरहजर दाखवण्यात आले आहे. विद्यार्थ्यांकडून विद्यापीठ प्रशासनाकडे अनेक पत्रव्यवहार करून ही काहीही मार्ग निघत नाहीये. विद्यापीठ प्रशासन तांत्रिक चूक झाली हे मान्य करतच नाहीये. यामुळे अनेक विद्यार्थ्यांचे नुकसान होत आहे. म्हणून आज आम्ही आंदोलन करत आहोत, अशी माहिती युवक क्रांती दलाचे पुणे शहर अध्यक्ष सचिन पांडोळे यांनी यावेळी दिली.
हेही वाचा - पुण्यात पुन्हा एल्गार परिषद.. 31 डिसेंबरला परिषदेच्या आयोजनाबाबत पोलिसांकडे परवानगीसाठी अर्ज
