रायगड - अलिबाग मुरुड विधानसभा मतदारसंघातील शिवसेनेचे नवनिर्वाचित आमदार महेंद्र दळवी यांचा बैलगाडी चालवतानाचा व्हिडिओ चांगलाच व्हायरल झाला आहे. दळवी यांनी सोमवारी दुपारी बैलगाडी जुंपून अलिबाग रेवस रस्त्यावर चालवत नेली. त्याचा व्हिडिओ समाजमाध्यमांवर फिरत असून त्याची जोरदार चर्चा आहे. आमदार महेंद्र दळवी हे बैलगाडीचे शौकीन असून बैलगाडा शर्यतींवर बंदी आणल्यानंतर त्या सुरू व्हाव्यात यासाठी ते प्रयत्नशील राहिले.
हेही वाचा - रायगडमध्ये शिवसेनेला सर्वाधिक, तर एकही जागा न जिंकणाऱ्या शेकापला दुसऱ्या क्रमांकाची मते
आमदार महेंद्र दळवी हे बैलगाडी शर्यतीचे शौकीन असून त्यांच्याकडे स्वतःच्या शेतातही उत्तम प्रतीची बैलजोडी आहे. एखाद्या घरातील माणसासारखी त्याची देखरेख केली जाते. आमदार झाल्यानंतर पहिल्यांदाच बैलगाडी जुंपून त्यांनी अलिबाग रेवस रस्त्यावर हाकत आनंद घेतला. आमदार रस्त्यावर बैलगाडी चालवत असल्याचे पाहून नागरिकांनीही पाहण्यासाठी गर्दी केली होती. सध्या आमदार महेंद्र दळवी यांचा बैलगाडी चालविण्याचा हा व्हिडिओ समाजमाध्यमावर व्हायरल झाला आहे.
