पत्नीच्या दोन प्रियकरांकडून पतीची निर्घृण हत्या; आरोपी गजाआड

हत्येनंतर पुरावा नष्ट करण्याच्या उद्देशाने त्या आरोपींनी गणेशचा मृतदेह अमृत दरवडे यांच्या शेतातील विहिरीत फेकून दिला होता. मृतदेहच्या खिशात सापडलेल्या फोन नंबरवरुन रांजणगाव पोलिसांना आरोपींपर्यंत पोहोचण्यात अवघ्या काही तासात यश आले.

पुणे - अनैतिक संबंधातील वादातून एका विवाहित तरुणाची पत्नीच्या दोन प्रियकरांनी हत्या केल्याची धक्कादायक घटना शिरुर तालुक्यातील खंडाळे येथे घडली. गणेश पाडेकर (रा.आळेफाटा) असे हत्या झालेल्या तरुणाचे नाव आहे. याप्रकरणी दोघा आरोपींना पोलिसांनी अटक केली आहे.

शिरुर तालुक्यातील खंडाळे येथे राहणाऱ्या गणेश पाडेकर यांची पत्नी रेश्मा हिचे विवाहापूर्वी गोरख थोरात व अरुण नारखेडे यांच्याशी अनैतिक संबंध होते. याबाबतची माहिती मिळाल्यानंतर गणेश गोरख हा जाब विचारण्यासाठी गोरखच्या घरी गेला होता. त्यावेळी गणेशचा गोरख आणि अरुण या दोघांशी वाद झाला. या वादाच्या रागातच त्या दोघांनी मिळून गणेश पाडेकर याच्या डोक्यात कुऱ्हाड आणि हातोडीचे घाव घातले आणि गणेशची हत्या केली. हत्येनतंर पुरावा नष्ट करण्याच्या उद्देशाने त्या दोघांनीही गणेशचा मृतदेह अमृत दरवडे यांच्या शेतातील विहिरीत फेकून दिला होता.

फोन नंबरमुळे सापडले आरोपी -

खंडाळे गावच्या हद्दीत ११ मे'ला अमृत दरवडे यांच्या शेतातील विहिरीमध्ये गणेशचा मृतदेह एका पोत्यात आढळून आला होता. या मृतदेहाच्या डोक्यावर व तोंडावर गंभीर जखमा होत्या. या घटनेचा पोलिसांनी तपास सुरू केला, सुरुवातील यातील गुन्हेगार शोधणे अवघड झाले होते. मात्र, गणेशच्या खिशात सापडलेल्या फोन नंबरवरुन रांजणगाव पोलिसांना आरोपींपर्यंत पोहोचण्यात अवघ्या काही तासात यश असल्याची माहिती रांजणगावचे पोलीस निरीक्षक मनोजकुमार यादव यांनी दिली.