पुणे - भारतीय सैन्य दलात शिपाई पदाची नोकरी लावण्याच्या आमिषाने तरुणांची आर्थिक फसवणूक करण्याच्या तयारीत असणाऱ्या टोळीला गुन्हे शाखेसह मिलीटरी इंटिलिजन्सच्या संयुक्त विभागाने अटक केली. टोळीमध्ये लष्कारातील एका जवानासह दोघांचा समावेश आहे.
वेनिंसग लालिंसग रावत (वय 45 वर्षे), रवींद्र राठोड (दोघेही मूळ रा. राजस्थान) आणि लष्करी जवान जयदेवसिंह परिहार, अशी अटक केलेल्यांची नावे आहेत.
पोलिसांनी दिलेल्या माहितीनुसार, सैन्य भरतीच्या लेखी परीक्षेत मुलांची फसवणूक करून पैसे लुबाडण्याच्या तयारीत असलेल्या टोळीची माहिती मिलीटरी इंटलिजीन्सला मिळाली. त्यानुसार त्यांनी पोलीस उपायुक्त बच्चन सिंह यांना माहिती दिली. त्यानंतर गुन्हे शाखेचे पोलीस निरीक्षक महेंद्र जगताप यांनी पथक तयार करुन वेनसिंग, रवींद्र आणि हवालदार जयदेवसिंहला ताब्यात घेतले. चौकशीत त्यांनी गुन्ह्याची कबुली दिली.
'अशी' केली फसवणूक -
पुण्यातील साउथन कमांड येथे लष्कराच्या लेखी परीक्षेसाठी हॉल तिकीट घेण्यासाठी आलेल्या उमेदवारांना गेटवरील हवालदार जयदेवसिंग हेरत होता. त्यानंतर संबंधित उमेदवारांना माझी आर्मीमधील मोठ्या अधिकाऱ्यांशी ओळख आहे. मी तुम्हाला पास करून देतो, असे खोटे आमिष दाखवत त्याने तरुणांची आरोपी वेनसिंग आणि रवींद्रशी ओळख करुन दिली. नोकरीचे लागल्यावर मला प्रत्येकी एक ते दोन लाख द्या, असे सांगून त्याने 17 मुलांचे मूळ कागदपत्र स्वतः च्या ताब्यात घेतले. त्यानंतर मागील 15 दिवसापांसून टोळीने मुलांचे लोहगाव याठिकाणी शिक्षक नेमून क्लास घेत फसवणूक केली आहे. अशी कोणाची फसवणूक झाली असल्यास त्यांनी पोलिसांशी संपर्क साधण्याचे आवाहन करण्यात आले आहे.
हेही वाचा - महानगर पालिकेच्या कर्मचाऱ्यांना बोनस मग आम्हाला का नाही; कंत्राटी कामगारांचा टाहो
